ئاساییشا ھەرێما کوردستانێ کۆمەکا تەرۆریستێن داعشێ دەستەسەر کر

ئاساییشا ھەرێما کوردستانێ کۆمەکا تەرۆریستێن داعشێ دەستەسەر کر

ئەنجوومەنا ئاساییشا ھەرێما کوردستانێ دانپێدانێن کۆمەکا تەرۆریستێن سەر ب داعشێ بەلاڤ کر.

ئەنجوومەنا ئاساییشا ھەرێما کوردستانێ دانپێدانێن کۆمەکا تەرۆریستێن سەر ب داعشێ بەلاڤ کر، کو ژ رانیا چووبوون ھەولێرێ و دخواستن کارێن تەرۆریستی ئەنجام بدەن.

ئەنجوومەنا ئاساییشا ھەرێما کوردستانێ ب داخویانیەکێ راگھاند؛ تۆرەکا تەرۆریست ھاتە دەستەسەرکرن و پلانێن وان ھاتنە پووچکرن.

د داخویانیێ دا ھاتە ئاشکەراکرن: “خەلیفەیێ کۆما ترۆرستی یا داعشێ حەجی عەبدولـلا فەرمان دایە کو ‘حارس، والیێ باکور / کوردستان و ئەبوو وەلید، ئەمیرێ ئەولەھیێ یێ باکور’ ژ بۆ ئەنجامدانا کارێن تەرۆریستی دەست ب کار ببن، لێ بەلێ ئاساییشا هەرێما کوردستانێ راستەراست تەرۆریستێن ڤێ شانەیێ ئاشکەرا کرن و د ئۆپەراسیۆنەکا سەرکەفتی دا هەموو تەرۆریستێن شانەیێ ھاتنە دەستەسەرکرن.”

ھەروھا ھاتە راگھاندن: “د ئەنجاما لێکۆلینێ دا دەرکەت ھۆلێ کو تەرۆریستان دخواستن ب رێیا بۆمبەیا ڤەدایی و دەبانجەیێن بێدەنگ، کارێن تەرۆری ئەنجام بدەن. د دەستپێکا مەھا 2یا 2021ێ دا دو ئەندامێن ڤێ کۆمێ، دەستپێکێ نەکارینە راستەراست دەرباسی کوردستانێ ببن، لۆما ب رێیا قاچاخ ژ سووریێ دەرباسی ترکیا بوونە، ژ وێرێ چوونە ئیرانێ و ژ وێ دەرێ ژی دەرباسی ناڤچەیا رانیایێ بوونە و گھشتینە ھەولێرێ.”

د داخویانیێ دا ھاتە ئاشکەراکرن: “تەرۆریستێن کو ھاتینە دەستەسەرکرن؛ یاسر عەلی ئەحمەد نویران کو ناڤێ ئەبو عەمار دهێتە ناسین، ماجد حەسەن سالح یێ ب ناسناڤێ عەلی، حەسەن عەلی ئنیزان یێ ب ناسناڤێ سوود و فیراس حەسەن حەموودی حوسێن و موخەلید ئیبراھیم محەمەد شافی ئەل فەراجی نە.”

پوستێن ھەمان بەش