رژێما ئیرانێ ئیرۆ كو یهكهم رۆژا مهها رهمهزانا پیرۆزه، گرتییەکێ کورد یێ رۆژھلاتێ کوردستانێ، سێداره دا.
ل گۆری مالپەرا رێخستنا ھەنگاو یا مافێن مرۆڤان، ئیرۆ رۆژا سێشهمبی 13/4/2021ێ گرتییەکێ کورد ب ناڤێ «ئەرسەلان مورادی»، ل ناڤ گرتیگەھا ناڤەندییا باژارێ بیرجەند یێ ئیرانێ ھات سێداره دان.
ئەو گرتیێ کورد خەلکێ باژارۆکێ دیواندەرەیێ رۆژھلاتێ کوردستانێ بوو، بهری دوو سالان ل باژارێ بیرجەندێ ب تۆھمەتا بازرگانیکرنا مادەیێن هشبهرێ ھاتبوو گرتن.
مالباتا وی وەلاتیێ کورد دەست نیشان كریه، بەرپرسێن گرتیگەھێ رێنهداینه بهرییا جی ب جی كرنا سزایێ سێدارهدانێ کوڕێ خوە ببینن.
باژارێ بیرجەندێ ناڤەندا پارێزگەھا خۆراسانا باشوور یا ئیرانێ یە و دکەڤیتە رۆژھلاتێ ئیرانێ.