کۆمکارا عەرەبی ئێریشا سەر ھەولێرێ شەرمەزار کر

کۆمکارا عەرەبی ئێریشا سەر ھەولێرێ شەرمەزار کر

سەکرەتەرێ گشتی یێ کۆمکارا دەولەتێن عەرەبی ئەحمەد ئەبوولخێت ئێریشا دوھی ب شەڤا سەر بالافرگەھا ناڤدەولەتی یا ھەولێرێ شەرمەزار کر.

سەکرەتەرێ گشتی یێ کۆمکارا دەولەتێن عەرەبی ئەحمەد ئەبوولخێت ئێریشا دوھی ب شەڤا سەر بالافرگەھا ناڤدەولەتی یا ھەولێرێ شەرمەزار کر و گۆت: “ئەو ئێریش بەردەوامیا وان کارێن وێرانکاریە کو ئارمانجا وان ژناڤبرنا ھەیبەتا دەولەتا ئیراقێ و تێکبرنا ئاساییش و ئارامیا هەموو ئیراقێیە.”

ئەحمەد ئەبوولخێت ئیرۆ ب داخویانیەکێ دیار کر: “ئارامیا ھەرێما کوردستانێ بەشەکە ژ ئارامیا ئیراقێ.” ھەروھا داخواز کر؛ رووبروویی ھەموو وان ھەولێن کو یەکیتیا ئیراقێ و سەروەریا وێ دکەنە ئارمانج، ببن.

ئەبوولخێت دەستنیشان کر کو کۆمکارا عەرەبی پشتەڤانیا ھەولدانێن حکوومەتا ئیراقێ دکەت “ژ بۆ رووبرووبوونا تەرۆر و چەکێن دەرڤەیی یاسایان و سەپاندنا یاسایان ژ بۆ پاراستنا سەروەریا ئیراقێ و ئەولەھی و سەقامگیریێ”.

وەزارەتا ناڤخوە یا ھەرێما کوردستانێ دوھی ئێڤاری راگھاند؛ ب رێیا فرۆکەیەکا بێ فرۆکەڤان ئێریشەک ل دژی ھێزێن ھەڤپەیمانیا ناڤدەولەتی یێن ل بالافرگەھا ناڤدەولەتییا ھەولێرێ ھاتد ئەنجامدان و د ئێریشێ دا زیان نەگھشتیە جانێ هیچ کەسەکێ.

پوستێن ھەمان بەش