ئەنەکەسێ ڤەخواندنا فرانسایێ رەد کر

ئەنەکەسێ ڤەخواندنا فرانسایێ رەد کر

ئەنجوومەنا نیشتیمانی یا کورد ل سووریێ (ئەنەکەسێ) ڤەخوەندنا کۆشکا ئێلیسێ یا ژ بۆ سەرەدانا فرانسایێ رەد دکەت.

ل سەر سەدەما رەدکرنێ ژی ئەنەکەسە دبێژیت، ئەو ڤەخوەندن ب ناڤێ رێڤەبەریا خوەسەر ژ بۆ وان ھاتیە و ھەڤسەنگی د ھەژمارا شاندەیێ دا نینە و ئەجیندایێن سەرەدانێ ژی نە دیارن.

ئەندامێ پۆلیتبیرۆیا پارتیا دەمۆکراتا کوردستان- سووریا (پودوکو-س) نەشئەت زازا ژ بۆ رووداوێ ئاخڤت و راگھاند، وان وەک ئەنەکەسێ ڤەخوەندنا کۆشکا ئێلیسێ یا ژ بۆ سەرەدانا فرانسا رەد کریە.

ئەندامێ پۆلیتبیرۆیا پەدەکە-سێ دبێژیت، ژ بەر کو ڤەخواندن ب ناڤێ رێڤەبەریا خوەسەر ژ بۆ وان چوویە و ئەو نە د رێڤەبەریێ دا نە، وان ئەڤ ڤەخواندنە رەد کریە.

نەشئەت زازا گۆت ژی، ھەڤسەنگی د ھەژمارا ئەندامێن شاندێ ژ بۆ فرانسایێ دا نینە کو پرانیا وان ئەندامێن رێڤەبەریێ نە و تەنێ یەک ئەندامێ ئەنەکەسێ ھاتیە دیارکرن.

د بەردەوامیا ئاخافتنا خوە دا زازا دیار کر، سەرەرای ڤێ یەکێ ژی ئەجیندایێن سەرەدانێ ژ بۆ وان نەھاتینە دیار کرن.