ب ڤیدیۆ – 9 گه‌ریلا ل مه‌تینی هاتن هه‌ده‌ف كرن

باله‌فرێن جه‌نگێ یێن ده‌وله‌تا تركیێ لڤ و ته‌ڤگه‌رێن په‌كه‌كێ ل باشوورێ كوردستانێ هه‌ده‌ف كر، 9 چه‌كدارێن رێخستنێ جان دا.

وه‌زاره‌تا به‌رگرییا تركیێ، ئیرۆ رۆژا دووشه‌می 19/4/2021ێ، داخویانی دا و راگهاند، د ئێریشه‌كێ دا كو ل باشوورێ كوردستانێ پێكهاتییه‌، 9 چه‌كدارێن رێخستنا په‌كه‌كێ هاتنه‌ هه‌ده‌ف كرن.

وه‌زاره‌تا به‌رگرییا تركیێ دیمه‌نێن ئێریشێ ژی پارڤه‌كرنه‌ و تێدا باله‌فرێن F18 یێن تركیێ خو‌یا دكه‌ن وه‌ختا كو ل چیایێ مه‌تینی رۆكێتێ ل نوقته‌یێن په‌كه‌كێ دده‌ن، ئاگر و دۆمانه‌كا هه‌ری مه‌زن ل جهێ كه‌تنا رۆكێتێ به‌رز بوو.

هێژای گۆتنێ یه‌، ل شه‌ڤا ده‌رباسبووی باله‌فرێن ده‌وله‌تا تركیێ ل چیایێ گاره‌ ژی ئێریشا نوقته‌یێن په‌كه‌كێ كرییه‌.