ھاتە راگھاندن کو رێڤەبەریا خوەسەرا رۆژئاڤایێ کوردستانێ، ئیرۆ یەکشەمبێ 35 زارۆکێن چەکدارێن داعشێ یێن رووسی دێ رادەستی حکوومەتا رووسیێ هێنە کرن.
رێڤەبەریا پێوەندیێن دەرڤە یا رێڤەبەریا خوەسەر راگھاند، ئیرۆ،18/4/2021ێ، دێ ھەژمارەکا زارۆکێن چەکدارێن داعشێ یێن ب عەسل رووسی ل کامپا ھۆلێ، رادەستی حکوومەتا رووسیایێ هێنە کرن.
کۆمسیارا مافێن زارۆکان یا رووسیایێ ئاننا کۆزنتسۆڤا رۆژا 20ێ ئادارا بۆری دا دابوو خویاکرن، ئەو ئامادە نە ژ بۆ ڤەگوھاستنا 30 زارۆکان ژ کامپا ھۆلێ.
ئاننا کۆزنتسۆڤا گۆتبوو، ھەموو رێکار تەمام بوونە لێ رێکارێن تایبەت ب کۆرۆنایێ رێ نەدان ئەو یەک بێ کرن.
زێدەتری 35 ھەزار زارۆکێن چەکدارێن ژ 48 وەلاتێن جودا، ل کامپا ھۆلێ دمینن و گەلەک جاران رێڤەبەریا خوەسەر بانگ ل وەلاتان کریە ھەموەلاتیێن خوە وەربگرن.
