پارتییا کارکەرێن کوردستانێ ل باشوورێ کوردستانێ بەردەوامە د دانینا تی ئێن تی یا دا ل سەر رێیێن گشتی، داوی جار دوهـ رۆژا سێشەمی تی ئێن تیەک ب کارمەندێن ئەلکتریکا کانی ماسێ ڤە تەقیا و سێ کەس بریندار کرن.
پاش کو ب سەدەما ئۆپەراسیۆنا ترکیێ بۆ سەر چەکدارێن پەکەکێ د ناڤا هەرێما کوردستانێ دە ل سینۆرێ ناڤچەدارییا کانی ماسێ، ئەلکتریکا 76 گوندان قوت بوویی، ئەکیبێن سەخبێریکرنا کارەبێ ژ بۆی چارەسەرکرنا پرسگرێکا چێبوویی سەرەدانا چیایێ گابنیرکێ ل ناڤچەیا بەرواری بالا دا.
لێ بەلێ د رێ دە تی ئێن تیەک کو ب دەستێ چەکدارێن پەکەکێ ل وڕ هاتبوو دانان تەقیا و سێ کەس بریندار بوون.
چاڤکانیێن پێگەها دارکا مازی ل باشوورێ کوردستانێ ئەشکەرە کر، پشتی تەقینا دوهـ رۆژا سێ شەمی، هێزێن ئەولەکارییا هەرێما کوردستانێ گهیشتن ناڤچەیێ و 6 تی ئێن تی یێن دن ژی، کو چەکدارێن پەکەکێ ل سەر رێیا گشتی یا خەلکێ دانیبوون، پووچ کرن.
