132 کەساتیێن کورد داخواز ژ تانەر ئاکچان کر داخوازا لێبۆرینێ ژ کورد و ئەرمەنیان بکەت

132 کەساتیێن کورد داخواز ژ تانەر ئاکچان کر داخوازا لێبۆرینێ ژ کورد و ئەرمەنیان بکەت

132   کەسایەتیێن ناڤدار، رۆژنامەڤان و ڤەکۆلەران داخوویانییەک ھەڤبەش بەلاڤکر و پرۆفیسۆر. تانەر ئاکچام شەرمەزار کرن. تانەر ئاکچام ژ بۆ کۆمکوژیا ئەرمەنیان کورد تاوانبار کربوون و گەلەک زانیاریێن نە دروست ل سەر پەیوەندیێن کورد و ئەرمەنیان بەلاڤ کربوو. ن

هەڤدیتنەکا تانەر ئاکچام د گەل رۆژنامەیا دوڤار بەلاڤ بووبوو. تانەر ئاکچام د ڤێ هەڤدیتنێ دا هندەک ئیدیعا ل سەر دیرۆکا کوردان دابوونە دیارکرن. تانەر ئاکچام وەها گۆتبوو: “ل سەدەیا 19ێ دا ئاغایێن کوردان ماف ھەبوو کو دەما ل ناڤچەیێن وان ئەرمەنیەکێ ژن ئینابایە شەڤا یێکێ بووک بۆ وان بیت. ھەمان دەم ئاغایێن کوردا ب ئاوایەکێ نە دەستوری باج ژی ژ ئەرمەنییان دستاند. ئانکو ئەرمەنیا دو جاران باج ددا، یەک ژ بۆی حکوومەتا ناڤەندی یەک دی ژی ژ بۆی ئاغایێن کوردان. یانی ل ناڤچەیێن کوردان وەکو هەموەلاتی سەرەدەری د گەل ئەرمەنیان دا نەدهاتە کرن”.

تانەر ئاکچام ئەڤ داخویانیە د سالڤەگەرا کۆمکوژییا ئەرمەنییان دا راگهاند و راستی نە رازیبوونا کوردان ھات. کوردان د سۆسیال مەدیایێ دا ئاکچام شەرمەزار کر. گۆتنا ئاکچام کو ئاغایێن کوردا شەڤا یێکی بووک ژبۆی خوە دبرن، مافێ شەڤا یێکێ بۆ ئاغا وەک سڤکاتیکرن ب جڤاکا کوردان ھاتە دیتین و ھاتە گۆتن کو ئەڤ چەندە د ناڤ کوردان دا ب هیچ رەنگەکێ چێنەبوویە.

ل سەر ڤێ یەکێ دوهـی 132 نیڤیسکاران بەیاننامەیەک ئیمزا کر و خواستن کو تانەر ئاکچام داخوازا لێبۆرینێ ژ کوردان بکەت.

د داخوویانیا رەوشەنبیرێن کورد دا ھاتە گۆتن کو “حەتا نها ل سەر جڤاکا ئەرمەنی و کوردان گەلەک تشتێن ئەرێنی یان نەرێنی ھاتینە نیڤیساندن و گەلەک تشتێن بێ بنگەھ ھاتینە نڤیساندن. لێ بەلێ ئەڤ تشتێ ئاکچام نیڤیساندی نە ھاتییە بھیستین و نڤیساندن. ھەر چەند تانەر ئاکچام گۆتبیت ژی ئەڤ تشتە د ھندەک چاڤاکنییان دا ھاتییە نیڤیساندن ژی، لێ بەلێ ئەڤ ئیددیعا نە زانستینە نە ژی جھێ باوەریی نە، و نرخێن جڤاکی یێن ھەر دو ئالییا ژی ڤێ ئیدیعایێ قەبوول ناکەن.”

ھەمان دەمێ دا د داخویانیی دا ھاتە گۆتن: “دەما کو ھەر دو نەتەوە د گەل گەلەک کێشەیێن مەزن دا روو ب روونە لێ ئیدیعایا “مافێ شەڤا یێکی” هاڤێتنە د هۆلێ دا ناهێتە قەبوولکرن. ئەڤە سڤکاتیە ژ بۆی ھەر دو لایا. ھەمان دەم ژی ئەم ڤێ گۆتنا پرۆفیسۆر. تانەر ئاکچام رەد دکەین. ئەڤە بەرنامە و چەپگیریا ئایدۆلۆژیا فەرمی یا ترکیێ یە.

د دوماھیکا داخوایینی دا ژی ھاتە گۆتن کو “ژ بەر ڤان ئیدیعایێن بێ بنگەھ و شاش ئەم تانەر ئاکچام شەرمەزار دکەین و ئەم داخوازێ ژ وی دکەین کو داخوازا لێبۆرینێ ژ ھەردو گەلان بکەت.”