هه‌ر یێك ژ ئارتێشا تركیێ و رێخستنا په‌كه‌كێ ئامارا زرارێن جانی یێن ئێریشا رۆژێن رابووری پارڤه‌كرن، تركیه دبێژه مه 44 چه‌كدارێن په‌كه‌كێ كوشتنه، كه‌جه‌كه ژی دبێژه، مه 144 عه‌سكه‌ر كوشتنه و سێقات بریندار كرنه!.
ل 23 مه‌ها رابووری ئارتێشا تركیێ ل سه‌ر باشوورێ كوردستانێ ئێریش ده‌ست پێ كر، د ڤێ ئێریشێ ده رێخستنا په‌كه‌كێ ژ زنارا كێسته بازدا و بێی شه‌ر ئه‌و ده‌ر د دانه‌كێ رۆژێ ده ژ بۆ تركیێ هشت، تركیێ سه‌ربازگه‌هه ل ور چێكر.
دوهـ رۆژا یه‌كشه‌می 2/5/2021ان خۆلۆسی ئاكار وه‌زیرێ به‌ره‌ڤانیێ یێ تركیێ، سه‌ردانا سه‌ربازگه‌ها نوو یا ل سه‌ر ئاخا باشوورێ كوردستانێ كر و ل ور گۆت: مه 44 چه‌كدارێن په‌كه‌كێ د ئۆپه‌راسیۆنێ ده كوشتنه و ئۆپه‌راسیۆن وێ بدۆمه.
ئیرۆ رۆژا دووشه‌می 3/5/2021ان، سۆزدار ئاڤێستا ئه‌نداما كه‌جه‌كێ گۆت: مه 140 لەشکەرێن ترک کوشتنه و سێقاتی ڤێ ھەژمارێ ژی بریندارێن وان ھەنە!!.
د داوین ئێریشا تركیێ ده، په‌كه‌كه ته‌ڤ ناڤچه‌یێن كو د ده‌ستێ وێ ده نه ب تایبه‌ت ل ده‌ڤه‌را به‌رواری بالا مینا زنارا كێسته، ژ بۆی تركیێ هشتنه، ل همبه‌ر ڤێ چاپه‌مه‌نییا په‌كه‌كێ دیمه‌نێن هنه‌ك چالاكییان پارڤه دكه و تێدا دبێژه كو وان عه‌سكه‌ر جه‌زا كرنه!.
