ھاتە راگھاندن کو ل پارێزگەھا ئدلبا سووریێ، د ناڤا کۆگەهەکا چێکرنا تۆپ و مینا یا گرۆپێن چەکدارێن سەر ب ترکیا ڤە، تەقینەکا مەزن چێبوو.
چاڤدێریا مافێن مرۆڤان ل سووریێ راگھاندیە کو تەقین ل نێزی کامپا فرووسیێ یا ل باکورێ رۆژھلاتێ ئدلبێ د کۆگەهەکا چێکرنا تۆپ و مینان یا گرێدایی کۆمەکا چەکدار دا روو دایە.
چاڤدێریا مافێن مرۆڤان ل سووریێ دایە خویاکرن کو د ئەنجاما تەقینێ دا، 2 چەکدار و وەلاتییەکێ ل جھێ بوویەرێ جان دانە و 6 کەسێن کامپا پەنابەران ژی بریندار بوونە.
ھەروھا تەکەز کر، ئیحتیمالا وێ یەکێ کو تەقین ژ بەر ئێریشەکا ئاسمانی پێک ھاتبیت ھەیە.
