بەرپرسەکێ رەژێما ئیرانێ ل سیستان و بەلووچستان هاتە کوشتن

گەلێ بەلووچ ل سیستان و بەلووچستان ب سەدەما وێ زولم و زۆرا ل وان دهێتە کرن ل دژی رەژێما ئیرانێ دەست دایە چەک.

یەک ژ رێڤەبەرێن پۆلیسێن رەژێما ئیرانێ ل پارێزگەها سیستان و بەلووچستان یا ڤی ولاتی ژ لایێ کەسێن نەناسکری ڤە دهێتە کوشتن.

رۆژا چارشەمبی 5/5/2021ێ “مەهدی شەهرەکی” بەرپەسەکێ پۆلیسێن رەژێما ئیرانێ ل پارێزگەها سیستان و بەلووچستان ژ لایێ کەسێن نە ناسکری ڤە دهێتە ئارمانج کرن و پشترا دهێتە کوشتن.

ئەحمەد تاهری، فەرماندارێ هێزێن پۆلیسێن سیستان و بەلووچستان د ڤێ دەربارێ دا راگهاند، “ناڤبووری ژ بۆی ئەنجام دانا ئەرکەکێ چووبوو دەرڤەی باژێری و د رێ دا تەقە ل وی هاتیە کرن و ئەو هاتیە کوشتن، هەیا نها ناهێتە زانین کێ ئەو کوشتیە.”