رێخستنا په‌كه‌كێ، ئێریشا ئۆفیسا كه‌نالا تۆرا مه‌دیایی یا رووداوێ ل باژارێ قامشلۆ یێ رۆژئاڤا كوردستانێ كر، ئه‌ڤ ئێریش پاش ده‌رباسبوونا دوو رۆژان ژ جڤینا رێڤه‌به‌رێن په‌كه‌كێ یا قه‌ندیلێ تێ كو ل ده‌ربارا مه‌دیا و چاپه‌مه‌نیێ گرێدابوو.
ئیرۆ رۆژا شه‌مبی 8/5/2021ێ، هه‌ژماره‌كا كه‌سان كو ته‌ڤ ئالیگر و ئه‌ندامێن رێخستنا په‌كه‌كێ نه، ئێریش برن سه‌ر ئۆفیسا تۆرا مه‌دیایی یا رووداوێ ل ناڤه‌ندا باژارێ قامشلۆ یێ رۆژئاڤا كوردستانێ.
كه‌سێن كو ئێریش كرین، سلۆگانێن پشتگریێ ژ بۆ په‌كه‌كێ دگۆتن و هه‌موه‌خت سلۆگانێن ل دژی رووداوێ د ئاڤێتن.
ئێریشا سه‌ر ئۆفیسا رووداوێ یا ل قامشلۆیێ،پاش دوو رۆژان ژ جڤینا رێڤه‌به‌رێن په‌كه‌كێ یا قه‌ندیلێ تێ كو د وێ جڤینێ دا، بریارا بێده‌نگ كرنا مه‌دیایا كو ل گۆری په‌كه‌كێ نه‌ئاخڤه هاتییه گرتن.
چاڤكانیێن تایبهت یێن پێگه‌ها داركا مازی ل قه‌ندیلێ ئه‌شكه‌ره كر، ل رۆژا پێنجشه‌مبییا رابووری 6/5/2021ێ، رێڤه‌به‌رێن په‌كه‌كێ دۆران كالكان، سه‌بری ئۆك و جه‌میل باییك جڤیانه و هنده‌ك بریار و ته‌علیمات ل ده‌ربارا مه‌دیا و مه‌دیاكاران گرتنه.
هێژای گۆتنێ یه، رێڤه‌به‌رێ په‌كه‌كێ دۆران كالكان وه‌ك رێڤه‌به‌ر و سه‌رپه‌رشتێ عام یێ مه‌دیا په‌كه‌كێ تێ حه‌ساب كرن.
چاڤكانیێن پێگه‌ها مه ل قه‌ندیلێ ئه‌شكه‌ره كر، رێڤه‌به‌رییا په‌كه‌كێ د جڤینا 6ی مه‌هێ دا، بریار گرتییه كو هه‌ر مه‌دیایه‌كا ل گۆری په‌كه‌كێ و ب دلێ په‌كه‌كێ نه‌ئاخڤه، پێویسته بهێته بێده‌نگ كرن.
ده‌ست نیشان كر، په‌كه‌كێ په‌یڤا بێده‌نگ كرن د ڤێ جڤینێ دا ب كار ئانی یه، ئه‌ڤ یێك ژی ب واتایا گه‌ف خوارن و ئێریش كرن، شه‌وتاندن و تشتێن ووسا تێ.
ئێریشا ئیرۆ یا سه‌ر ئۆفیسا رووداوێ ل قامشلۆیێ ژی، یه‌كه‌مین هه‌نگاڤ و ئه‌نجاما جڤینا 6ی مه‌هێ یا قه‌ندیلێ یه، چاڤكانیێن مه ئه‌شكه‌ره كر، تێ پێشبینی كرن، هنه‌ك سازیێن دن یێن مه‌دیایی ب تایبهت یێن باشوور كو ئۆفیس ل باكور و رۆژئاڤا و ئه‌ورۆپایێ هه‌نه، راستی ئێریشێن ووسا ببن، هه‌موه‌خت سازیێن كو ل باشوور یێن كو ل گۆری په‌كه‌كێ نه‌خه‌بتن.
رێڤەبەرێ ئۆفیسا تۆرا مەدیایی یا رووداوێ ل قامشلۆ دیار كه‌سێن ئێریش كرین ل دەریێ رووداوێ دان و ھەول دان ب زۆرێ دەرباسی ناڤ ئۆفیسێ ببن.
رێڤەبەرێ ئۆفیسا رووداوێ گۆت، پشتی کو مە پێوەندی ب ئاساییشێ کری، ھێزەک ئاساییشێ ھات ئۆفیسا رووداوێ.
تۆرا مەدیاییا رووداوێ دەزگەھەکه کو ب مۆلەت ل رۆژئاڤایێ کوردستانێ کار دکەت، لەوما پاراستنا ھەڤکارێن رووداوێ و ئۆفیسا وێ ل قامشلۆیێ ل ستوویێ رێڤەبەرییا خوەسەر یا دەمۆکراتیک دا یه.
