دو هەموەلاتیێن رۆژهلاتێ کوردستانێ ژ لایێ ئیتیلاعاتێ ڤە هاتن دەستەسەرکرن

داریووش خالدیان یێ 22 سالی و موحسین سەعدی یێ تەمەن 21 سالی، ژ ئالیێ ئیستیخباراتا ئیرانێ یا ب ناڤێ ئیتیلاعاتێ ڤە هاتن دەستەسەرکرن.

دو هەموەلاتیێن نیشتەجییێن باژێرێ “قوروە” یێ رۆژهلاتێ کوردستانێ ژ ئالیێ هێزێن ئیتیلاعاتا ئیرانێ یێن ڤی باژێری ڤە هاتن دەستەسەرکرن.

ل گۆرەی چاڤکانیێن مەدیایی ل رۆژهلاتێ کوردستانێ، رۆژا پێنجشەمی 6/5/2021ێ دو هەموەلاتیێن باژێرێ “قوروە” ب ناڤێن “داریووش خالدیان” و “موحسین سەعدی” بێی هەبوونا بەلگەیێن دادوەری ژ هێلا هێزێن ئیتیلاعاتا ئیرانێ ڤە هاتن دەستەسەرکرن.

ئەڤ دو گەنجە پشتی هاتینە دەستەسەرکرن ژ بۆی جیهەکی نەدیار هاتن ڤەگوهاستن و تەڤی هەولێن مالباتێن وان ژ بۆی هایداربوون ژ رەوشا وان لێ هەیا نها چ زانیاریەک ل سەر رەوشا وان نەهاتیە هین بوون، هێزێن سەر ب ئیتیلاعاتا رەژێمێ ژی ئامادە نینە چ زانیاریەکێ ل سەر رەوش و سەدەما گرتنا وان گەنجان بدەنە مالباتێن وان.