دژە تیرۆرا کوردستانێ رەد دکەت چ په‌یوه‌ندی ب ئۆپەراسیۆنا کوشتنا قاسم سولەیمانی ڤه هه‌بیت و رادگه‌ھینت، گرووپەکێ ب ناڤێ CTG سەر ب لاھور جەنگی و برایێ وی ھەیە و ئەو پابەندی رێکار و یاسایێن ھەرێما کوردستانێ نابن.
دژە تیرۆرا کوردستان (CTD)، د داخویانییا خوە دا بەحسا راپۆرتەکێ دەربارێ ئۆپەراسیۆنا ئارمانج گرتنا فەرماندارێ سوپایا قودس قاسم سولەیمانی دکەت کو ناڤێ دژە تیرۆرا کوردستانێ تێدا ھاتییە و دیار دکەت، «ئەم ھەموو ئالییان پشتراست دکه‌ین کو دوور و نێزیک په‌یوەندییا CTD ب زانیاریێن ناڤ راپۆرتێ و ئۆپەراسیۆنا ب ئارمانج گرتنا قاسم سولەیمانی ڤه نینە.
گرووپا لاهور و برایێ وی پابه‌ندی رێكار و یاسایێن هه‌رێما كوردستانێ نابن و ئه‌و ل ده‌رڤه‌ی یاسایا هه‌ژمار 14 یا په‌رله‌مانێ كورستانێ یا تایبه‌ت ب ئه‌نجوومه‌نا ئاساییشا هه‌رێما كوردستانێ ڤه كار دكه‌ن.
ھەر د وێ داخویانیێ دا هاتییه: گرووپەکێ ب ناڤێ CTG ھەیە کو سەر ب لاھوور جەنگی و برایێن وی ڤەیە و ئه‌و پابەندی رێکار و یاسایێن ھەرێما کوردستانێ و سازیێن وێ نابن و ل دەرڤەیی یاسایا ھەژمار 14 سالا 2011یا پارلامەنتۆیا کوردستانێ یا تایبەت ب ئەنجوومەنا ئاسایشا ھەرێما کوردستانێ، کار دکن.
دژە تیرۆرا کوردستانێ ببیر خست کو د راپۆرتێ دا ژی ب زەلالی بەحسا بەشداربوونا وێ ھێزا ب ناڤێ CTG دهێته کرن و ژ بۆ وێ مەبەستێ ژی د راپۆرتێ دا ب زەلالی ئاماژە هاتییه كرن کو وان په‌یوەندی ب لاوێن ئازادی، بەردەڤکێ لاھوور جەنگی کرینە، ژ بۆ کو زەلالکرنێ ل سەر بەشداری و په‌یوەندییا وان د ئارمانج گرتنا قاسم سولیمانی دا بده‌ت.
د به‌رده‌وامییا داخویانیێ دا دهێته دوپات کرن، «ئەم دوبارە رادگه‌ھینین کو دژە تیرۆرا کوردستانێ چ په‌یوەندییا وێ ب ڤێ مژارێ ڤه نینە.«
دژە تیرۆرا کوردستانێ پێشنیاز ژی دکەت کو حکوومەتا ھەرێما کوردستانێ لێکۆلینەکا ھوور ل سەر وێ راپۆرتێ بکەت و راستییان بۆ رایا گشتی ئاشکەرا بکەت.
