د ھلبژارتنێن خوەجھی یێن بریتانیایێ دا، نەڤییا پێشەوا قازی محەمەد، ئەڤین ئەبریشەمی بۆ ئەنجوومەنا شارەداریا ئۆکسفۆردێ ھاتە ھلبژارتن.
ئەڤین ئەبریشەمی پشتی سەرکەفتنا ھلبژارتنێ ژ بۆ مەدیایا کوردی ئاخڤی و گۆت، “ئەز ژ باژێرێ مهاباد یێ رۆژھلاتێ کوردستانێ مە. یەکەم کەسا کوردم کو بۆ ئەنجوومەنا باژێرێ ئۆکسفۆردێ دهێتە ھەلبژارتن. ھەروھا یەکەم کوردا رۆژھلات ئەزم کو ل بریتانیایێ بۆ ئەنجوومەنا شارەداریێ ھاتیە ھلبژارتن.”
ئەڤین ئەبریشەمی ژ سالا 2004ێ ڤە وەک چالاکڤانەکا سڤیل د سەندیکایێن کارکەران دا جی گرتیە و دەمەک بەرێ ژی دەرباسی پارتیا کارکەرێن بریتانیایێ بوویە.
نەڤیا قازی محەمەد دبێژیت، پشتی کو زارۆکەک بووی، وەک دایک ل مالا خوە مایە و چەند سالان خەباتێن خوە راوەستاندنە. سالا 2013ێ دەرباسی پارتیا کارکەران بوویە و حەتا سالا 2018ێ ژی دگەل خەباتێن سەندیکایان د ناڤ رێخستنێن پارتیێ دا ژی کار کریە.
