د مەدیایا جڤاکی دا سەلەفیێن جیهادی گەفا ل گەلێ رۆژهلاتێ کوردستانێ دکەن و سڤکاتیێ ب سەمبۆلێن نەتەوا کورد دکەن.
ئەو کەسە ب پشتەڤانیا بریارگەها “بەقیەتوللا” یا سوپایێ پاسداران د مەدیایا جڤاکی دا نووچەیێن دەرەو و هندەک جاران ژی توندوتیژییێ بەلاڤ دکەن.
چاڤدیرێن سیاسی د وێ باوەرێ دا نە کو ئارمانجا سوپایێ پاسداران ژ ڤان کاران ئەڤەیە کو ئالۆزی و شەر د ناڤبەرا گەلێ رۆژهلاتێ کوردستانێ دا روو بدەت.
ئەڤ کەسێن جیهادی ب پشتەڤانیا ناڤەندێن ئەولەهیێ یێن رەژیما ئیرانێ گەلەک جاران ئێریشی سەمبۆل و نرخێن گەلێ کورد دکەن. د دەما بووری دا ژی جیهادیان گەف ل گەلێ رۆژهلاتێ کوردستانێ کربوون کو دێ وان کوژن.
