سوپایێ تركیێ ل سنۆرێ شرنه‌خێ و ئامه‌دێ یێن باكورێ كوردستانێ هێرش برن سه‌ر په‌كه‌كێ، 7 چه‌كدارێن رێخستنێ هاتن ئارمانج كرن.
ل گۆری ئاگاهیێن وه‌زاره‌تا ناڤخوه یا تركیێ كو ئیرۆ رۆژا دووشه‌می 17/5/2021ێ به‌لاڤ كرنه، سوپایێ تركیێ ئۆپه‌راسیۆن ل سنۆرێ شرنه‌خێ و ئامه‌دێ ل دژی رێخستنا په‌كه‌كێ ئه‌نجام دان.
ئۆپەراسیۆن ژ یەکەم رۆژا جەژنا رەمەزانێ ڤە ل چۆلتەرا دەردۆرا گوندێ ئەسکار سەر ب پاسوورێ، ب پشتگرییا ھێزا ئەسمانی دەستپێ کرییە.
ل گۆر چاڤکانیێن خوەجھی، ئۆپەراسیۆنا لەشکەرییا کو ل چۆلتەرا گوندێ ئەسکارا پاسوورێ ھاتبوو دەستپێکرن بەردەوامە و کەتن و دەرکەتنا ژ گوند ھاتییە قەدەغەکرن.
ھەروھا 5 رۆژن خەتێن تەلەفۆنان ھاتنە برین و چ ئاگاھی ژ گوندییان ناهێنه وەرگرتن.
دەما 4 مەھانە سوپایێ ترکیێ ل ھەژمارەکا ناڤچه‌یێن باکورێ کوردستانێ ل دژی چه‌كدارێن په‌كه‌كێ دەست ب ئۆپەراسیۆنەکا نوو کرییە.
ئۆپەراسیۆن ل 15 ناڤچەیێن جودا ل سنۆرێ پارێزگەھێن ئامەد، مێردین، دێرسم، شرنەخ، جۆلەمێرگ، ئاگری، ئیدر، قەرس، ئەردەخان و چەند ناڤچەیێن دی یێن باکورێ کوردستانێ تێن ئه‌نجام دان.
