سەرۆک وەزیرێ ئیسرائیلێ ئیرۆ رۆژا پێنجشەمبی 20/5/2021ێ راگهاند، درۆنا کو ڤێ حەفتیێ کەتیە سنۆرێ ئاسمانی یێ ئیسرائیلێ “ل ئیرانێ ھاتیە چێکرن و یا تژی بوویە ژ تەقەمەنیان.”
بنیامین نەتانیاھو پارچەیێن درۆنێ د دەستێ خوە دا هلگرتبوون و نیشانی وەزیرێ کارێن دەرڤەیێ ئالمانیایێ ھاکو مۆسس، کو نها ل ئیسرائیلێ یە، دان. وی گۆت کو ئارتەشا ئیسرائیلێ ئەڤ بالافرە خستیە خوارێ.
ئەڤە یەکەم جارە کو رایەدارێ پایەبلندێ سیاسی ل ئیسرائیلێ ب فەرمی ناڤێ ئیرانێ ب بوویەرا بالافرا رووخاندی ڤە گرێددەت.
مەدیایا ئیسرائیلێ رۆژا سێشەمبی راگھاند کو ل ھەرێما بیقاع یا ئوردونێ، ل نێزیکێ باژێرۆکێ بەت شەھان، ل نێزیکی سنۆرێ ئوردونێ، بالافرەک بێ پیلۆت هاتیە ژناڤبرن.
ئیرانێ ھێژ بەرسڤ نەدایە گۆتنێن بنیامین نەتانیاھو یێن د دەربارێ بەرپرسیاریا شاندنا درۆنا ب تەقەمەنی یا کو کەتیە د سنۆرێ ئەسمانی یێ ئیسرائیلێ دا. لێ مالپەرا مەشرەق نیوز، کو ب ئاوایەکی نێزیکی سەرڤیسا ئیستخباراتا لەشکەری یا ئیرانێ یە، گۆتنێن سەرۆکوەزیرێ ئیسرائیلێ “بێواتە” و “دوبارەکرنا تاوانبارییێن دژی-ئیرانێ” ب ناڤ کرن.
