بالەفران ل 2 گوندێن چەمانکێ پەکەکە بۆردۆمان کر

ھێرشێن دەولەتا ترکیا ل سەر پەکەکێ ل باشوورێ کوردستانێ بەردەوامن، ئیرۆ ژی ل دوو گوندێن چەمانکێ لڤ و تەڤگەرێن رێخستنێ ھاتنە ئارمانج گرتن.

چاڤکانیێن پێگەھا دارکا مازی ل باشوورێ کوردستانێ ئاشکەرا کر، ئیرۆ رۆژا ئینی 2021/5/21 بالەفرێن جەنگی یێن دەولتا ترکیا، 3 جاران ھێرشێ سەر پەکەکێ کرییە، ھێرش ل ناڤچەیا چەمانکێ یا سنۆرێ دھۆکێ ھاتنە ئەنجام دان و ب ڤی ئاوایی:

ھێرشا یەکەم:

ل دەمژمێر 12:10 نیڤرۆژێ، بالەفران خالين پەکەکێ  ل دەڤەرا نزارێ گەلیێ سيدەرا ل ئاقارئ گوندێ (سيدەرا- ناڤچەیا چەمانکێ – دەڤەرا گارەى) بۆردۆمان کرینە و یەک رۆکێت لێداینە.

ھێرشا دوویەمین:

ل لدەمژمێر 12:20 نيڤرۆژێ بالەفرێن ترکیا خالين پەکەکێ ل ئاقارێ گوندێ (کارەڤا – ناڤچەیا  چەمانکێ – دەڤەرا گارەی) بۆردۆمان کرینە و یەک رۆکێت لێداینە.

ھێرشا سێیەمین:

ل دەمژمێر 1:30 پاش نیڤرۆژێ، بالەفران  جارەکا دى خالێن پەکەکێ ل گەلیێ سیدەرا بۆردۆمان کرینە.

ھێژای گۆتنێ یە، ئەڤە دەما چەند رۆژانە ھێرشێن دەولەتا ترکیا ل سەر پەکەکێ ل باشوورێ کوردستانێ دژوار بووینە، ل شەڤا دەرباسبوویی ژی ترومبێلێن پەکەکێ ل سنۆرێ دھۆکێ ھاتنە ئارمانج کرن و هەری کێم 4 گەریلایان ب ڤێ سەدەمێ جانێ خوە ژ دەست داینە.