باله‌فرێن جه‌نگێ یێن ده‌وله‌تا تركیێ، ئیرۆ لڤ و ته‌ڤگه‌رێن چه‌كدارێن رێخستنا په‌كه‌كێ ل چیایێ لینكی یێ باشوورێ كوردستانێ كرن ئارمانج.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا یه‌كشه‌می 30/5/2021ێ، باله‌فرێن ده‌وله‌تا تركیێ هێرشا په‌كه‌كێ ل چیایێ لینكی كر كو دكه‌ڤیته سنۆرێ ناڤچه‌یا دێره‌لۆك و هنداڤا ناڤچه‌یا شێلادزێ.
ده‌ست نیشان كر، هێرش ل ده‌مژمێر 10 سپێدێ پێكهاتییه و باله‌فران رۆكێت ل چیایێ لینكی خستنه.
ل گۆری دیمه‌نێن هێرشێ، دۆمانه‌كا مه‌زن ل جهێ كه‌تنا رۆكێتێ بلند بوویه، لێ به‌لێ ئاگاهی ل ده‌ربارا زیانێن جانی یێن په‌كه‌كێ نه‌هاتنه ب ده‌ست ئێخستن.
ژ ده‌ستپێكا ئێریشا خزیرانا سالا رابووری 2020ان، چیایێ لینكی یێ رۆژهلاتا قه‌زا ئامێدێ ب ده‌هان جاران ژ هێلا باله‌فرێن جه‌نگێ یێن تركیێ ڤه راستی هێرشان هاتییه، لڤ و ته‌ڤگه‌رێن په‌كه‌كێ ل وێرێ ب به‌رفرهی دهێنه دیتن.
