دەزگەھا فەرمانداریا ھێزا پێشمەرگەیا پارتیا دەمۆکراتا کوردستانا ئیرانێ (PDKI) نووچەیێن شەھیدبوونا 2 پێشمەرگەیێن وان د ئەنجاما شەرەکێ دا لگەل ھێزێن ئیرانێ پشتراست کر و ھورگلیێن وی شەری بەلاڤ کرن.
پەدەکە-ئیرانێ راگھاندیە کو شەڤا دەرباسبوویی ل سەر رێیا د ناڤبەرا پیرانشار و مھابادێ دا شەر د ناڤبەرا پێشمەرگەیێن پەدەکێ و پاسدارێن ئیرانێ دا دەرکەتیە و تیمەکا پەدەکێ کەتیە کەمینا پاسداران و 2 ئەندامێن وێ تیمێ شەھید بوونە.
دەزگەھا فەرمانداریا ھێزا پێشمەرگە راگھاند کو تیما پێشمەرگەیێن وان ل سەر جادەیا مەھاباد-پیرانشارێ بوویە ئارمانجا ئێریشا کرێگرتیێن کۆمارا ئیسلامی و ئاشکەرا کر: “پێشمەرگەیێن ب ناڤێن ھادی شێخە یێ خەلکێ پەسوێ و ئەیوب سولتانێ خەلکێ ئاوایا خورینجا ب سەر باژێرێ پیرانشارێ ڤە، مخابن شەھید بوون.”
