ژ ئالیێ ئاسایشا یەنەکێ ڤە هات سینۆرداشکرن، پشترا مری هات دیتن

جەنازەیێ ولاتیەک ئیرانی کو بەرا جانێ خوە ژ دەست بدە ژ ئالیێ ئاسایشا یەنەکێ ڤە هاتبوو دەستەسەرکرن ل ناڤچەیێن سینۆری یێن نێزی پێنجوینێ تێ دیتن.

هەموەلاتیەک ئیرانی ب ناڤی «فریدوون محەمەد سدیق مورادی»، ل رۆژا 17/12/2020ێ، ژ ئالیێ رێڤەبەریا نیشتەجیبوونا پارێزگەها سلێمانیێ ژ بووی دەرگەهێ سینۆری یێ سەیرانبەن ل سینۆرێ باژارۆکێ گەرمک یێ سەر ب باژارێ پێنجوینێ تێ شاندن و ل دەمژمێر 5:30 هەمان رۆژێ دهێتە دەرسینۆرکرن.

چاڤکانیێن پێگەها دارکا مازی ل باشوورێ کوردستانێ ئەشکەرە کر، یەک ژ کارمەندێن ئاسایشا گەرمەک، دەمژمێر 9:30 شەڤێ پەیوەندیێ ب ئیدارەی دەریێ سەیرانبەن دکە و وان هایدار دکە کو کەسێ هاتیە دەرسینۆرکرن د دەما ڤەگەرینە هەرێما کوردستانێ ب رێیا قاچاخ، ژ هێلا ئاسایشا یەنەکێ ڤە دیسا هاتیە دەستەسەرکرن.

چاڤکانیێن مە هەر وەها ئەشکەرە کر، یەک ژ کۆلبەرێن رێیا قاچاخا کونە مێروو ل نێزی دەریێ سەیرانبەن، ل دەمژمێر 6ی رۆژا 21/12/2020ێ، ئانکو پاش 5 رۆژان تەرمێ فریدوون محەمەد سدیق مورادی ب ئاوایەک تازی د ناڤا بەرفێ دە ل هەمان رێیێ دیتیە و پشترە راکریە نەخوەشخانەیەکا باژارێ سلێمانیێ.

یا د ڤێ بوویەرێ دا بالکێش ئەڤەیە کو  ل سەر جەسەد و روویێ ناڤبووری ب گشتی شوونوارێن لێدان و  ئیشکەنجەیەک گران خوەیا دکر.

ل گۆر زانیاریێن تایبەت یێن پێگەها دارکا مازی کو ژ هن چاڤکانیێن خوە یێن ل سلێمانیێ ب دەست خستنە، ئەڤ ولاتیێ ئیرانێ بەرا کو وەرە دەرسینۆرکرن ژ ئالیێ ئاساییشا یەنەکێ ڤە هاتبوو دەستەسەرکرن و ل سەر داخوازا ئاسایشێ ب خوە ئەڤ ولاتیێ ئیرانێ هاتیە دەرسینۆرکرن.