ھات راگه‌ھاندن کو وەلاتییەکی کوردێ ژ رۆژھه‌لاتێ کوردستانێ، ب ئه‌شکەنجەیا پۆلیسێن ئیرانێ ژیانا خوە ژ دەست دا.
کۆمەلەیا مافێ مرۆڤان یا کوردستانێ راگه‌ھاندییە کو «ناسر کەریم» یێ 27 سالی یێ خەلکێ بۆکانێ یا پارێزگەھا ئورمیێ ل رۆژھلاتا کوردستانێ، ب ئه‌شکەنجەیا پۆلیسان ھات کوشتن.
ھات دیار کرن کو کەریم ل 30 گولانا 2021ێ ژ ئالیێ ھێزێن رژێما ئیرانێ ڤە ھاتبوو بنچاڤکرن و ئەو شاندبوون گرتیگەھا بۆکانێ.
ل گۆری زانیارییان ناسر کەریم دەما تێ بنچاڤکرن، راستی ئه‌شکەنجەیا گران یا پۆلیسێن ئیرانێ ھاتییە و ژ بەر کو ئەو نەبرینە نەخوەشخانێ ژیانا خوە ژ دەست دایە.
