سوپایێ پاسدارێن رژێما ئیسلامی یا ئیرانێ ل باژارێ “سەقز” یێ رۆژهلاتێ کوردستانێ جاش و کرێگرتیێن خوە کۆم کرنە و فەرمان ب وان کریە کو دڤێت هەم د هلبژارتنان دا بەشدار ببن و هەم ژی دڤێت یێن کو چەک دانیە جارەک دی چەکی هلگرن.
ل 1/6/2021ێ، دەمژمێر 9:30 سپێدێ، سوپایێ پاسدارێن ئیرانێ ل “زائیرسەرای خامەنەیی” ل کێلەکا قەرارگەها “حەزەلە” ل باژارێ سەقز، جاش و پاسدار و بەسیج و کرێگرتیێن خوە کۆم کرینە و ئەو هشیار کرنە کو دڤێت د هلبژارتنان دا بەشدار ببن و دەنگ ب وان کەسان بدەن یێن کو خامەنەیی و بەرپرسێن سوپایێ پاسداران وان قەبوول دکەن.
رژێمێ د ڤێ جڤینێ دا جاش و کرێگرتیێن خوە دەربارا ئالۆزبوونا ناڤچەیێن کوردستانێ هایدار کرنە و ب وان راگهاندیە، ل همبەر چالاکیێن پێشمەرگەیێن رۆژهلات دا، دڤێت هەردەم ئامادە بن.
هەڤدەم رەژیما ئیرانێ تەڤ جاش و پاسدارێن خانەنشینکری و یێن کو چەند سالان پێش نها وان ب خوە ئەو دەرکرنە، ل دژی پێشمەرگەیێن کوردستانێ بانگ کرینە.
رژێما ئیرانێ ئەو هایدار کرینە کو دڤێت ئەو ئامادەی شەری بن و جاشێن کو پێش نها وان ب خوە ژ جاشاتیێ دەرکرین جارەکا دی بهێنە ناڤ رێزێن سوپایێ پاسداران و د ڤێ قۆناغا هەستیار دا رژێمێ ب تەنێ نەهێلن و بەشداری شەرێ دژی پێشمەرگەیێن کوردستانێ ببن.
