چه‌كدارێن په‌كه‌كێ ئیرۆ سه‌رێ سبێ ل سینۆرێ ئامێدیێ ئێریشا هێزه‌كه پێشمه‌رگه‌هان كر، 5 پێشمه‌رگه شه‌هید و 4 ژی بریندار هه‌نه.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا شه‌می 5/6/2021ان، هێزه‌كه پێشمه‌رگه‌هان ل سینۆرێ ئامێدیێ كه‌ت به‌ر ئێریشا چه‌كدارێن په‌كه‌كێ، 5 پێشمه‌رگه شه‌هید كه‌تنه و 4 ژی بریندار بوونه.
ده‌ست نیشان كر، جهێ كو په‌كه‌كێ ئێریشا پێشمه‌رگه‌هان كری، ب كه‌مپا ئنگلیزان تێ ناس كرن و دكه‌ڤه چیایێ مه‌تینایێ، په‌كه‌كێ ل ور كه‌مین ژ بۆ پێشمه‌رگه‌هان دانا بوو.
چاڤكانیێن مه ئه‌شكه‌ره كر، چه‌كدارێن په‌كه‌كێ ب مووشه‌كا ژ جۆرێ كۆڕنێت ئێریشا پێشمه‌رگه‌هان كر، پشتره و د هه‌ولا به‌ره‌ڤانی كرنێ ده، ته‌قه چێبوویه و چه‌كدارێن په‌كه‌كێ یێن كو ئێریشا پێشمه‌رگه‌هان كری كو هه‌ژمارا وان 3 بوون، هاتنه كوشتن.
هێژای گۆتنێ یه پێشمه‌رگه‌هێن بریندار ل قەزایا ئامێدیێ چارەسەریا دەستپێکێ بۆ وان ھاتیە کرن و پشترە ژ بۆ نەخوەشخانەیێن دھۆکێ ھاتنە ڤەگوھەستن.
