برایێ سەرۆکێ پەکەکێ عەبدوللا ئۆجەلان، عۆسمان ئۆجەلان بەشداری بەرناما تەلەڤزیۆنا رووداوێ یا کو ھێڤیدار زانا پێشکێشڤانیا وێ دکر بوو، ل سەر مژارا ئێریشا پەکەکێ بۆ سەر ھێزێن پێشمەرگە ئاخفت و راگھاند کو بوویەر وەکو شەرێ پەکەکێ و پێشمەرگە خویا دکەت لێ دەستێ ترکیێ ژی د ناڤ ئێریشێ دا هەیە، ئۆجەلان وەھا گۆت:
“یا راست بوویەر بالکێشن. بۆچی ئەنجامەکا وەھا دەرکەت ھۆلێ نەدیارە. ل ڤێ دەرێ فەوزایەک ھەیە و هزر دکەم د ناڤ بوویەرێ دا دەستێ ترکیێ ھەیە. دەمەکێ درێژە بوویەرێن بالکێش دقەومن. ئەڤە نە ئەو تشتن کو خەلک دخوازیت. دیارە ژ لایێ دەولەتا ترکیێ دا ئێریشەکا ب دزی ھەیە.”
دڤێت حکوومەتا ھەرێما کوردستانێ ھشیاریێ بدەتە ترکیێ. دڤێت رێکێ نەدەت ھەر وەختا کو ترکیا بخوازیت بۆمبەبارانانێ بکەت. ب سەرڤە سەرڤە بوویەر، وەکو شەرەکێ د ناڤبەرا پەکەکێ و پێشمەرگە دا بوو. د ئەساس دا شەرەکێ ب دزی ھەیە. نە دیارە دێ ئەنجاما وێ چ بیت. دڤێت ئەم ڤێ راستیێ بدەینە بەر چاڤ. دوژمن تەکنیکەکا پێشکەفتی بکارتینیت. لەورا دکارن راستیێ ڤەشێرن.”
عۆسمان ئۆجەلان د ئەنجامێ دا گۆت؛ قەبوولکرنا ھەپەگێ یا بۆ ئێریشێ مژارەکا جددیە. لەورا نە دیارە سەبەبێ ئێریشێ کیە.
