ناڤەندا رەڤەندا کورد ل دەرڤە د داخویانیەکێ دە ئێریشا دوهـ یا چەکدارێن پەکەکێ ل سەر پێشمەرگە پرۆتەستۆ کر و راگهاند، مخابن جارەک دن مە بهیست چەکدارێن پەکەکێ ئیریشی سەر هێزێن پێشمەرگە کریە، ئەڤ ئێریشا پەکەکێ ئیریشەک پر نە رەوایە ژ بۆی سەر دەستهلاتا هەرێما کوردستانێ و ئارمانجا ڤێ ئێریشێ ژ بلی خزمەتکرنا راستەراست ئا دوژمێن گەلێ مە و کێش کرنا پێشمەرگەیان ژ بۆی ناڤا شەرەکی نەخواستی و بەهانەدانە دەست دەولەتا ترک ژ بۆی زێدەتر داگرکرنا خاکا کوردستانێ ت تشتەک دن نینە.
داخویانیا ناڤەندا رەڤەندا کورد ل دەرڤە ب ڤی ئاوا یە:
پەیامەک ژ ناڤەندا رەڤەندا کورد ل دەرڤە
ناڤەندا رەڤەندا کورد ل دەرڤە، سەرساخیێ ل مالباتێن سەربلندێن پێنج پێشمەرگەیێن لەھەنگێن کو ژ ئالیێ پەکەکێ ڤە ھاتبوون شەھیدکرن دکە.
مخابن جارەکە دن مە بھیست چەکدارێن پەکەکێ ئێریشەکە نە رەوا ل سەر ھێزێن پێشمەرگە کریە. ئەو ھێزا پیرۆزا پێشمەرگەیان کو د شەرێ پاراستنا ئاخ و وەلات دە گەلەک قوربانی دان، ل شوونا جیھانێ کاری ھێزێن رەش و تاری یێن تەرۆریستێن داعشێ بشکینە و روویەکی نەتەوەیی یێ خوەشک و رووپەلەکە زێرین ژ دیرۆکا گەلێ مە رە چێبکە و ببە جیھەکی پیرۆز ل سەرانسەر جیھانێ.
ئێریشا پەکەکێ ئێریشەکە نە رەوایە بۆ سەر دەستھلاتداریا ھەرێما کوردستانێ و ئارمانجا ڤێ پیکۆلێ ژی ژ بلی خزمەتکرنا راستەراست بۆ دژمنێن گەلێ مە و د ھەمان دەمێ دە ھەولەکە نامەردانەیە بۆ ڤەکێشانا ھێزێن پێشمەرگەیێن کوردستانێ بۆ ناڤا شەرەکی نەخوەستی و بەھانە دانە ئارتێشا تورکیەیێ بۆ زێدەتر داگیرکرنا ئاخا ھەرێما کوردستانێ. ژ بەر ڤێ یەکێ ئەم داخواز ژ سەرکردایەتیا پەکەکێ دکن کو شەر ل ھەرێما کوردستانێ دەرنەخن ژ بەر کو ئەڤ یەک ژ بۆ نفووس، ژینگەھ و ھەرێما کوردستانێ خەسارەکە سەرەکەیە. دڤێ پەکەکە و ترکیە شەرێ خوە ژ ھەرێما کوردستانێ دوور بخن دا کو ژیان، دەبار، ژ نوو ڤە بێ ئاڤاکرن و ئاشتی ڤەگەرە ب سەدان گوندێن کو ب ڤان دەستوەردانان ھاتنە تەرکاندن و وێرانکرن.
ئەم ژ نڤیسکارێن ب ویژدان و دلسۆزێن نەتەوە داخواز دکن کو بەرەڤانیێ ل رەوایی و دەستھلاتداریا ھەرێما کوردستانێ بکن کو بەرھەمێ تێکۆشین و قوربانیدانا دەھان سالانە. داخواز ژ سەرکردایەتیا پەکەکێ دکن کو ئێدی ھەرێما کوردستانێ نەکە قادا شەر و ناکۆکیێن لگەل ترکیەیێ چارەسەر بکە و دیالۆگەکە نەتەوەیی و کوردستانی ھلبژێرە.
بژی کورد، بژی کوردستان.
ناڤەندا رەڤەندا کورد ل دەرڤە
