عه‌لی ئه‌كبه‌ر موحته‌شمی ئۆلدار و كه‌ساتیێ ئیرانێ كو ب یێك ژ دامه‌زرێنه‌رێن سپایێ پاسداران تێ حه‌ساب كر، ب ڤیرۆسا كۆرۆنایێ جان دا.
ل گۆری ئاژانسا ئێرنا ئا ئیرانێ، عه‌لی ئه‌كبه‌ر موحته‌شمی ته‌مه‌ن 74 سال، پاش پێكه‌تنا وی ب ڤیرۆسا كۆرۆنایێ، ل یێك ژ نه‌خوه‌شخانه‌یێ، ته‌هرانێ جانێ خوه ژ ده‌ست دایه.
موحته‌شمی هه‌ڤرێێ ئایته‌توللا خومه‌ینی رێبه‌رێ شۆرشا ئیرانێ بوو، رۆلا سه‌ره‌كه د دامه‌زراندنا سپایێ پاسداران و حزبوللا ئا لبنانێ ده هه‌بوو، ده‌سته‌كێ خوه د ته‌قینه‌كێ ده ژ ده‌ست دابوو و ئیران دبێژه: ئیسرائیلێ ئه‌و ته‌قین چێكربوو.
ل گۆری راپۆرێن ئیسرائیلێ، موحته‌شمی رۆله‌كه ئاكتیڤ د چێكرنا گرووپ و میلیسێن شیعه یێن توندره‌و ل رۆژهلاتا ناڤین ده هه‌بوو.
