گەلێ ئامێدیێ ب بجیهبوونا پێشمەرگەیان ل سەر چیایێ مەتینا کەیفخوەشن

ئیرۆ خەلکێ باژارۆکێ ئامێدیێ ژ بووی پشتەڤانیا پێشمەرگە و نیشاندانا کەیفخوەشیا خوە ژبەر بجیهبوونا پێشمەرگەیان ل سەرێ چیایێ مەتینا، هەر وەها ژ بۆی بیرئانینا 5 پێشمەرگەیێن ب دەستێ چەکدارێن پەکەکێ هاتینە شەهیدکرن سەرەدانا بارەگەهێن پێشمەرگە ل مەتینایێ کرن.

ئیرۆ رۆژا پێنجشەمی 10/6/2021ێ، هەژمارەکا هەری زێدە یا خەلکی ل ئامێدیێ سەرەدانا پێشمەرگەیێن ل سەرێ چیایێ مەتینا دا و پشتەڤانی و کەیفخوەشیا خوە ب بجیهبوونا هێزێن پێسمەرگە ل سەر چیایێ مەتینا نیشاندا.

خەلکێ ناڤچەیا ئامێدیێ ژ لایێ لیوا “عەزیز وەیسی” فەرماندارێ هێزێن زێرەڤانی ڤە هاتنە پێشوازیکرن، پشترا وەک بیرئانینا شەهیدێن پێشمەرگە، جوانێن ئامێدیێ دەستکێن گولا ل جیهێ شەهیدکرنا وان 5 پێشمەرگەیان دانان کو ب دەستێ چەکدارێن پەکەکێ ل 5/6/2021ێ هاتبوون شەهیدکرن.