ب سەدەما خەمساریا باژێرڤانیا ئورمیێ، زارۆکەکێ جانێ خوە ژ دەست دا

ب سەدەما خەمساریا باژێرڤانیا ئورمیێ، زارۆکەکێ جانێ خوە ژ دەست دا

ل تاخا ئەلواجا باژارێ ئورمیێ، زارۆکەکی 3 سالی یێ ب ناڤێ “فەریاد” ل ناڤ ئاڤا کانالا ئاڤەرۆیا وێ تاخێ دا خەندقی، چەندین سالە ئەو کانالا ئاڤەرۆیێ بێ پەرژین و سەرڤەکرییە.

ل گۆر گۆتنا خەلکێ دەڤەرێ فەریاد رۆژەکێ بەری سالڤەگەرا ژ داییکبوونا خوە ل ناڤ ئاڤا ئاڤەرۆیێ دا خەندقیە.

ب سەدەما خەمساریا باژارڤانیا باژارێ ئورمیێ ل تاخێن دەردۆرنشین، چەندین سالە تەڤی بێھنا پیس و بەلاڤبوونا نەخوەشیان ل دەمسالا گەرمایێ دا، ل سەر جانێ زارۆک و کالان ژی گەفەک مەزن هەیە، حەتا نھا باژێرڤانیێ هیچ بەرنامەیەک ژ بۆ چارەسەرکرنا وێ پرسگرێکێ نینە و ب تەنێ بەرپرسێن پێوەندیدار سۆزێن ڤالا دانە خەلکی، و ب تایبەت ل دەما ھلبژارتنان دا سۆزێن رەنگاورەنگ و چەوت ل سەر ئاڤەدانکرنا وان تاخان ددەن.

تاخێن وەکی ئەلواج، کوشتارگاھ، گرە جھوو، ئیسلام ئاباد، حوسێن ئاباد و عەلی ئاباد و چەندین تاخێن دی ل باژارێ ئورمیێ ژ پرانیا خزمەتکاریان بێپارن و بەرپرسێن رەژیمێ پشتی چەندین سالان ھێژ چ کارەک بۆ خەلکێ وان تاخان نەکرنە.

پوستێن ھەمان بەش