چما مەدیایا پەکەکێ گۆتنا خێرێ بۆ ھەرێما کوردستانێ نا بێژیت؟ ھەردەم کار لسەر رەش کرن و خرابکرنا وێنەیێ ھەرێما کوردستانێ د کەت؟
ئەم چاوا ل مەدیایا پەکەکێ بنێرین؟ بۆچی هەموو کەنال و دەزگەھێن راگەھاندنا پەکەکێ بەرێ تیرێن راگەھاندنا خوە دانە ھەرێما کوردستانێ؟
ئاژانسا فرات نیوز ANF، یەنی ئۆزگۆر پۆلتیکا، لێکۆلین، ستێرک تیڤی، رۆناھی تیڤی، ئاژانسا مەزۆپۆتامییا، رۆژنیوز، ھەوارنیوز و هەموو کانالێن سۆشییال میدیایا پەکەکێ تەڤ ل ئێک ناڤەند تێنە ب رێڤە برن و ل دژی ھەرێما کوردستانێ تێنە ئاراستە کرن.
ئەگەر ئەم بەرێ خۆ بدەینە نووچە، شرۆڤە و نێرینێن ڤان دەزگەھان ئاشکەرا دیار دبیت کو ھەر دەما بوویەرەک نەرێنی ل باشوورێ کوردستانێ چێ دبیت، ئەڤ دەزگەھ ب جۆش و کەیفەکا مەزن و بلەز وەکو برووسکێ ڤان خەبەران بەلاڤ دکەن.
هندی ئەڤ دەزگەھە ل دژی باشوورێ کوردستان و حکوومەتا ھەرێمێ ب دژواری کار د کەن چ جاران ل دژی داگیرکەرێن کوردستانێ و دەولەتا ترک وەھا کار ناکەن.
دەما بوویەرەک بچووک ل باشوور چێ دبیت، ئەڤ دەزگەھە ب لەز دکەڤنە کاری، نە وەک مەدیایا حیزبەکا سییاسی یا کوردی، بەلکو وەکو ئۆرگانەکێ شەرێ تەیبەت دەھۆلا شەری لێ ددەن و قەلەبالغیەکا مەزن چێ دکەن.
ھەر مرۆڤەک بەرێ خوە ب دەتە کارێ بیست سالێن دەرباز بوویی یێن مەدیا و راگەھاندنا پەکەکێ، نڤیس و نووچەیێن وان ب شۆپینیت ئاشکەرا د بینیت ئێک نووچەیێ باش، نووچەیەکێ راست، نڤیسەکا ئەرێنی لسەر حکوومەتا ھەرێما کوردستانێ، دەستهەلاتا کوردستانێ و بزاڤا کورد ل پارچێن دی یێن کوردستانێ نابینیت. تەنێ گۆتنەک خێرێ بۆ کورد و بزاڤا کورد د مەدیایا وان دا ناھێتە دیتن، کارێ وان بوویە رەش کرنا دەستهەلاتا کوردی و بچووک کرنا بزاڤا کورد.
گەلۆ ئەڤە رەوشەکا نۆرمالە؟ مرۆڤ دکاریت ڤی کاری نۆرمال ببینیت؟
نەخێر ب چ رەنگا مرۆڤ نکاریت وەکو کارەک نۆرمال ببینیت، لێ پرس ئەوە چما مەدیایا پەکەکێ ووسا کەتییە خزمەتا دەزگەھێن تاری یێن داگیرکەران و ل دژی کوردان کار دکەن؟
راستییەک ھەیە دڤێت تەڤایی خەلکێ کوردستان و کوردپەروەر بزانن، دەمەکێ درێژە پەکەکێ مرۆڤێن کوردپەروەر، مرۆڤێن خەمخۆرێن کورد د ناڤ ریزێن خوە نە هێلانە، یان ھاتنە کوشتن یان ھاتنە دەرخستن و ژ پەکەکێ دوور کەتینە. ئەو کەسێن نھا کۆنترۆلا مەدیایا پەکەکێ دکەن و برێڤە دبەن زلامێن میتا ترکیانە، کۆنسەیا سەرۆکاتییا پەکەکێ ئاگاداری ڤێ راستیێ یە. ژ بۆنا ئیسپاتا ڤان گۆتنێن مە، ھیڤیدارین دلسۆزێن کورد، مرۆڤێن کوردپەروەر ل نڤیس و شرۆڤەیێن ڤان کەسا یێن کو مەدیایا پەککێ ب رێڤە دبەن بنێرن، ئەگەر د بیست سالێن دەرباز بووییدا هەوە تەنێ تشتەک خێرێ، گۆتنەکا باش دەرحەقێ کوردا د نڤیسێن ڤانا دا دیت وی دەمی بێژن گۆتنێن وە نە راستن، لێ ب بەلگە و ب شاھدییا نڤیس و نووچەیێن وان ب خوە ئەم خەلکێ خوە و کوردێن دلسۆز پشت راست دکەین کو ژ دەرڤەی نووچە و نڤیسێن خراب تشتەک بەلاڤ نە کرنە. ئەم ھیڤیدارین دلسۆز و کەسێن کوردپەروەر ب خوە دووڤچۆن و لێکۆلینێ بۆ ڤان راستییان بکەن، و حەقیقەتا ڤێ مەدیایا پەکەکێ ببینن.
رۆژەڤاکورد
