کۆلبەرەکی باژارێ پاوە یێ سەر ب پارێزگەها کرمانشان، کو د دەما رۆژێن رابووری دا ب تەقەیا راستەراستا هێزێن رەژێما ئیرانێ بریندار کەتبوو، جانێ خوە ژ دەست دا.
ل گۆر راپۆرتا رێخستنا مافێن مرۆڤان یا هەنگاو، رۆژا ئەینی 18/6/2021ێ، بەسیر ئەحمەدزادە، جوانێ کۆلبەر یێ خەلکێ گوندێ “دشە” سەر ب باژارێ پاوە یێ پارێزگەها کرمانشانێ ل رۆژهلاتێ کوردستانێ کو 5 رۆژان پێش نها ب تەقەیا راستەراستا پاسدارێن ئیرانێ بریندار کەتبوو، ب سەدەما دژوارییا برینێن خوە ل نەخوەشخانەیا تالەقانی یا باژارێ کرمانشانێ جانێ خوە ژ دەست دا.
هەنگاوێ ژ زمانێ چاڤکانیەکێ هایدار و نێزیکی مالباتا ئەحمەدیزادە ئاشکەرا کر، جڤاتا تەئمینی یا پارێزگەها کرمانشان مالباتا ناڤبووری هایدار کریە هەیا ب داوی هاتنا هلبژارتنێن سەرۆک کۆماری و جڤاتێن شارەداری و گوندێن ئیرانێ نووچەیێ جان ژ دەست دایینا کورێ خوە پارڤە نەکەن و هەیا نها ژی جەنازەیێ کورێ وان رادەستی مالباتا وی نەکریە.
بەسیر ئەحمەدزادە رۆژا دوشەمی 14/6/2021ێ، ل گەل برایەکی خوە ب ناڤێ بەشیر ئەمەدزادە، ل دەما کۆلبەریێ ل سینۆرێ باژارێ نەوسوود ژ لایێ هێزێن ئەولەهیا ئیرانێ ڤە راستی تەقەکرنێ تێن و هەر دو بریندار دبن.
هەنگاوێ پێش نها ئاشکەرا کربوو کو بەسیر ژ لایێ سەرێ خوە ڤە بریندار بوویە و رەوشا وی باش نینە.
