كوژه‌رێ ده‌نیز پۆیراز ئه‌نداما هه‌ده‌پێ یا ئیزمیرێ د دانپێدانێن خوه ده گۆتییه: ئه‌ز قه‌د نه پۆشمانم، من دخوه‌ست ده‌میرتاش، ئۆجالان، له‌یلا زانا، په‌روین بۆلدان و بارش ئاتای ژی بكوژم.
ھات زانین کو کوژەرێ ئه‌نداما هه‌ده‌پێ یا باژارێ ئیزمیرێ دەنیز پۆیراز، ئۆنور گەنجەر نه‌ژادپەرەستێ ترک د ئیفادەیا خوە یا دۆزگەریێ دا، گۆتییە کو ئەو نە پۆشمانە و ئێدیعا کرییە كو وی په‌یوه‌ندی ب چ رێخستنێن ته‌رۆری ڤه نینه.
ل گۆری مەدیا ترکیێ، قاتل ئۆنور گەنجەر د ئیفادەیا خوە دە وھا گۆتییە:
د دلێ من دا ھەستا تۆلڤه‌كرنێ و کوشتنێ بۆ سه‌لاحه‌ددین دەمیرتاش، عه‌بدوللا ئۆجالان، لەیلا زانا، پەروین بۆلدان و بارش ئاتای ھەبوو. من پاره ژ بانكێ ستاندینه، چ کەسێ ژ بۆ ڤێ ئێریشێ پاره نەدایە من، ده‌ما كو ئه‌ز چوویمه د ئاڤاھی ڤه، بلەز چوومه قاتێ دووێ، ده‌رگه‌هـ ڤەکریبوو. من چەکێ خوە ل ده‌ری دا، ده‌ر ڤه‌بوو، من دەنگەک کر و گوللـەیەک بەردا. ئەز ناڤێ کەسێ کو من ئەو کوشتییە نزانم، قەت نزانم من نەدیتیە، ژ بەر کو ئه‌و ل ناڤەندا هه‌ده‌پێ بوو ب نه‌رینا من تەرۆریستە، له‌و من ئەو کوشت. من په‌یوه‌ندی ب چ ب رێخستنێن تەرۆری ڤه نینە، من ئەڤ یه‌ك ب تەنێ کرییه و نە پۆشمانم.
