دادگەھا دەستوورییا ترکیێ، ئیرۆ دۆزنامەیا گرتنا پارتییا دەمۆکراتیکا گەلان پەژراند، دۆزنامەیا گرتنێ بەری نھا دوو جاران ھاتبوو رەد کرن.
دادگەھا دەستوورییا ترکیێ، ئیرۆ ل ده‌مژمێر 10:00ێ سبێ دەست ب لێکۆلینا خوە یا ل سەر دۆسیەیا کو ب مەبەستا گرتنا هه‌ده‌پێ ھاتییە ئامادەکرن کر.
د ئەنجاما لێکۆلینێ دا، دادگەھێ بریارا پەژراندنا دۆسیەیا گرتنا هه‌ده‌پێ دا کو بەری نھا دوو جاران ژ بەر ھەبوونا کێماسییان ئەو دۆسیە رەد کربوو.
ل مه‌ها رابووری دۆزا گرتنا هه‌ده‌پێ گه‌هشتبوو دادگه‌ها ده‌ستووری، لێ به‌لێ ئه‌ڤ دۆز هات راگرتن و ڤه‌گه‌راندن بۆ دۆزگه‌ریێ ژ بۆ كو كێماسیێن تێدا بهێن چاره‌سه‌ر كرن.
دادگه‌ها ده‌ستووری یا تركیێ ژی دێ بریارێ ده‌ت، كانێ هه‌ده‌په بمینیت یان ژی دێ هێت قه‌ده‌غه كرن.
سه‌رۆكێ دۆزگه‌رییا تركیێ ته‌ڤ بریار، دۆسیه و داخویانیێن به‌رپرسێن هه‌ده‌پێ وه‌ك دۆكیۆمه‌نت كۆم كرنه و دبێژیت: 843 رۆپه‌ل وه‌ك دۆكیۆمه‌نت ل سه‌ر هه‌ده‌پێ هاتنه كۆم كرن.
به‌رپرسێن هه‌ده‌پێ ژی سكالا دۆزگه‌رییا تركیێ ب پیلانا ئاكه‌پێ دزانن و هه‌ڤسه‌رۆكێ به‌رێ یێ هه‌ده‌پێ گۆتبوو: پێویسته هه‌ده‌په و ئاكه‌په ب هه‌ڤرا بێن گرتن.
