ئتێلاعاتا ره‌ژیما ئیرانێ، ژنه‌كه دن ئا كورد ژ باژێرێ مه‌ریوانێ یێ گرێدای پارێزگه‌هییا سنه ل رۆژهلاتا كوردستانێ ده‌سته‌سه‌ر كر و ئه‌ڤ 4 رۆژه چاره‌نڤیسا وێ نه‌دیاره.
رێخستنا هه‌نگاو یا مافێن مرۆڤان به‌لاڤ كر، هێزێن ئتیلاعاتا ئیرانێ ژ رۆژا پێنجشه‌مییا رابووری 17/6/2021ان، چالاكڤانا كورد یا باژێرێ مه‌ریوانێ سوره‌یا حه‌قدۆستی ده‌سته‌سه‌ر كرییه و ژ بۆی سنه‌یێ ڤه‌گوهاستییه.
ده‌ست نیشان كر، ئتیلاعاتی سوره‌یا ل سه‌ر جادێ ده‌سته‌سه‌ر كر و هه‌ر چه‌ند كو مالباتا وێ ئه‌ڤ چار رۆژه سه‌ردانا سازیێن ئه‌وله‌هیێ یێن ره‌ژیما ئیرانێ دكن، لێ به‌لێ نكارینه تو ئاگاهییان ژ چاره‌نڤیسا كه‌چا خوه یان ژی توهمه‌تا وێ بزانن.
سوره‌یا حه‌قدۆستی چالاكڤانه‌كه باژێرێ مه‌ریوانێ یه، ئه‌نداما ئه‌نجوومه‌نا ب ناڤێ مالا ئینسانه.
