رێڤەبەرییا خوەسەر یا رۆژئاڤایێ كوردستانێ د بریارەکا نوو دا، دەریێ سینۆریێ سێمالکا ب ھەرێما کوردستانێ را بۆ ده‌مه‌كێ نه‌دیار گرت.
رێڤەبەرییا خوەسەر د داخویانییا خوە دا راگه‌ھاند، ئەم ئاژانسێن سەر ب نەتەوەیێن یەکگرتی و رێخستنێن مرۆڤی ئاگاھدار دکه‌ین کو ژ بەر هنده‌ك ئه‌گه‌رێ تەکنیکی، دەریێ سێمالکا ژ ئالیێ مە ڤە هاتییه گرتن.
د داخویانیێ دا ھات ژی: بریارا گرتنا دەریێ سێمالکا، چ كارتێكرنێ ل سەر هاتنوچوونا کادرۆیێن رێخستنێن مرۆڤی و کەلوپەلێن سەر ب وان ڤە ناکەت.
رێڤەبەرییا خوەسەر دەم و ھەیاما گرتنا دەریێ سێمالکا دیار نەکرییە و تەنێ گۆتییە ژ بەر «ھۆکارێن تەکنیکی» دەری هاتییه گرتن.
دەریێ سێمالکا د ناڤبەرا ھەرێما کوردستانێ و رۆژئاڤایێ کوردستانێ دایە و رێیا سەرەکی و گرنگه بۆ ئابووری و هاتنوچوونا خەلکێ و رێخستنێن مرۆڤی ویێن سەر ب نەتەوەیێن یەکگرتی ڤە.
