شڤانەکێ کورد کوشتی هاتە دیتن

اھاتە راگھاندن کو ل ناڤچەیا ھەزەخێ یا باژارێ شرنەخا باکورێ کوردستانێ تەرمێ گەنجەکێ 23 سالی ل گوندێ بارمێ ھاتیە دیتن کو ب گولەیان ھاتیە کوشتن.

ل گۆری زانیاریان، تەرمێ گەنجێ 23 سالی یێ ب ناڤێ ھاسان بۆزکور کو ل گوندێ بارمێ یێ ھەزەخێ شڤانەتیا پەزی دکر، 5 کم دووری گوندی ھاتیە دیتن کو گولە ب سەرێ وی دا ھاتبوو تەقاندن.

پشتی کو گوندیان تەرمێ وی گەنجی دیتی جەندەرمە ئاگاھدار کرینە و لێکۆلین ل سەر بوویەرێ ھاتیە دەستپێکرن.

تەرمێ ھاسان بۆزکورت ژ بۆ پزیشکی دا یا ل ھەزەخێ ھاتیە ڤەگوھاستن.

ل سەر سەدەما کوشتنا وی جوانی هێژتا هیچ ئاگاھیەک نەھاتیە بەلاڤکرن.