ئیرۆ رۆژا دوشەمبی، 28 خزیرانێ 34 سالیا کیمیابارانا باژارێ سەردەشت یێ رۆژھلاتێ کوردستانێیە.
ب ڤێ ھەلکەفتێ، ل مزگەفتا مەزن یا سەردەشتێ مەراسمەک ھاتە لدارخستن. لێ هێزێن ئەولەهیێ ب فەرمانا قایمەقامێ سەردەشتێ ئەقسا نەخشیپوور، رێ نەدا ژن دەرباسی ناڤ مزگەفتێ ببن و بەشداری مەراسمێ ببن.
فرۆکەیێن رێژیما ئیراقێ رۆژا یەکشەمی 28 خزیرانا سالا 1987ێ باژارێ سەردەشت یێ رۆژھلاتێ کوردستانێ کیمیاباران کر. د وێ ئێرشێ دا ھەری کێم 111 کەس شەھید بوون و نێزیکی 8 ھەزار کەس ژی بریندار بوون کو هەیا نها هەژمارەکا هەری زێدە ژ برینداران ژ بەر ئێش و ئازارێن برینێن خوە دنالن.
