پارتیا سۆسیالیستا کوردستانێ (پەسەکە) دەربارێ کوشتنا ئەمین عیسا ل رۆژئاڤایێ کوردستانێ داخویانیەک بەلاڤ کر و تێدا دا زانین ئەو کوشتنا ئەمین عیسا شەرمەزار دکەن.
داخویانیا پەسەکێ وەھایە:
ل گۆر راگھاندنا مالباتێ و راپۆرێن پزشکی، خۆرتەکێ کورد ب ناڤێ ئەمین عیسا، کو ئەندامێ پارتیا دەمۆکراتا کوردستانێ–سووریا (پەدەکە-س)یە، ل کوردستانا رۆژئاڤا د گرتیگەھێن ھێزێن سووریەیا دەمۆکراتیک دا، د بن ئیشکەنجێ دا ھاتیە کوشتن.
کوشتنا ئەمین عیسا بەردەوامیا سیاسەتا تەعدا و زۆرداریا پەیەدێ-یەپەگێ یا دەربارێ ئۆپۆزسیۆنێ یە، بنپێ کرنا مافێن دەمۆکراتیکە.
سیاسەتا ھانێ خزمەتا دۆزا رەوایا کوردا ناکەت و یا زیانبەخشە.
ئەمین عیسا د دەمەکێ ووسا دا ب شێوەیەکێ نە مرۆڤانە دهێتە کوشتن، کو بالا رایا گشتی سەر ڤێ ناڤچەیێ یە و گەل ل بەندا دەستپێکرنا گفتوگۆیێن لھەڤھاتنا ئەنەکەسێ و پەیەنەکێ نە.
ئەم ب توندی کوشتنا ئەمین عیسا مەحکوم دکەین و داخوازێ ژ کاربدەستێن رێڤەبەریا خوەسەر و بەرپرسێن پەیەدێ دکەین، کو ل سەر لێکۆلنا کوشتنا ئەمین مجد بن و تاوانباران و ئەنجامێ لێکۆلنێ بۆ گەلێ کورد راگهینن.
ئەم سەرخوەشیا خوە پێشکەشی مالباتا ئەمین عیسا و پارتیا وی دکەین و شریکێ خەما وانین.
