وەلاتێ بەریتانیا ب رێیا شاندەیێ تایبەتیێ خوە، شێوەیێ کوشتنا شەھید ئەمین عیسا شەرمەزار کر
د تویتەکێ دا ،شاندەیێ تایبەتێ بەریتانی ژ بۆ سووریێ جۆناسان ھارگریفز، دلگرانیا خوە ژ بۆ راپۆرتێن دەربارێ کوشتنا ئەمین عیسا کو ژ لایێ چەکارێن ھەسەدێ ڤێ ھاتبوو زیندانکرن نیشان دان .
ھەروسا بەریتانیا داخوازا لێکۆلینەکا زەلال و کامل دەربارێ چاوانیا کوشتنا وی دا کر.
دهێتە زانین کو پشتی ئەندامێ PDK-S، ئەمین عیسا ل 22 گولانا رابووری ژ ئالیێ چەکدارێن پارتیا یەکیتیا دەمۆکراتیک ڤە ھاتبوو خواستن و بنچاڤکرن و ژ بۆ گرتیگەھا سەردۆزگەریا لەشکەرییا سەر ب پەیەدێ ڤە ھاتبوو ڤەگوھاستن، د گرتیگەھێن پەیەدێ دا راستی ئیشکەنجەیێن ھۆڤانە ھات و د بن ئیشکەنجەیێ دا ھاتە شەھیدکرن.
شەهیدکرنا ڤی ولاتیێ کورد ژ لایێ چەکدارێن پەیەدێ ڤە کارڤەدانێن هەری توند یێن ناڤخوەیی و دەرڤە ل پەی خوە ئانین، گەلێ کورد ب ئاوایێن جودا ئەڤ کارێ هۆڤانە یێ پەیەدێ شەرمەزار کر، ژ ئالیێ خوە ڤە پێش نها ئامەریکایێ ژی شەهید خستنا ئەمین عیسا شەرمەزار کربوو و داخوازا لەکۆلینێ ژ بۆ دیار کرنا راستیان کربوو.
