گۆره‌كێ ب كۆم ل ناڤ عه‌فرینێ هاته‌ دیتن

گۆره‌كێ ب كۆم ل ناڤ عه‌فرینێ هاته‌ دیتن

ل ناڤا باژارێ عه‌فرینێ گۆرەکە ب کۆم هاتە دیتن، ل گۆر زانیارییان هەتا نها دۆرا 40 تەرمان ژ گۆرێ هاتینە دەرێخستن و هەتا نها نایێ زانین ئەو تەرمێن کێنە.

هێزێن ئەولەهیێیێن ل عه‌فرینێ و هێزێن ترکیێ دوهی رۆژا چارشه‌مبێ 14/7/2021ێ گۆرەکێ ب کۆم ل تەنشت ئاڤاهییا ئەنجوومەنا خوەجهی یا عه‌فرینێ (زانینگەها عه‌فرینێ یا بەرێ) ل تاخا عه‌فرینا نوو دیتن.

کارێن كۆلان و لێگەرینا ل تەرمان هەتا ئیرۆ بەردەوامە و هەتا نها دۆرا 40 تەرمان ژ وێ گۆرێ هاتینە دەرخستن و لێگەرینا ل تەرمان هێژان بەردەوامە.

ته‌رمێن كو ژ وێ گۆرێ هاتنه‌ ده‌رێخستن، د کیسێن سپی دا هاتبوونه‌ ڤەشارتن و نایێ زانین ئەو تەرمێن کێنە و چاوا هاتینە کوشتن.

ئارتێشا ترکیێ و گرووپێن چەکدارێن ئۆپۆزیسیۆنا سووریێ یێن كو د بن فەرمانا ترکیێ دا کار دکن، رۆژا 20ێ چلەیا 2018ێ هێرشا سەر عه‌فرینێ کرن و پشتی شەرێ 58 رۆژان، رۆژا 18ێ ئادارا 2018ان کەتن د عه‌فرینێ دا و داگیر کرن.

ل گۆر ئامارێن هاتنە راگهاندن زێدەتر ژ 300 کەسێن سڤیل د ئەنجاما ئێریشێ دە هاتن کوشتن و زێدەتر ژ 700 سڤیل ژی بریندار بوون.