کورەکێ عۆسمان ئۆجالان ئاشکەرا کر رەوشا تەندورستیا بابێ وی خرابە و ب تەمامی ژ چالاکیا کەتیە.
وەلاتێ کورێ عۆسمان ئۆجالانێ سیاسەتمەدارێ باکورێ کوردستانێ و برایێ عەڤدلا ئۆجالان ژ باس نیوسێ را راگەھاند، دەمەکە رەوشا تەندورستیا بابێ من تێکچوویە و ژ بەر فەلجا دەماخی ل ئەردی مایە.
ھەرواھا گۆت، کو بابێ وی نکاریت باخڤیت و نکاریت رابیتە سەر خوە و ب تەمامی ناڤ جھان دا مایە و نکاریت چ لڤینەکێ ئەنجام بدەت.
عۆسمان ئۆجالان ب سالانە ل ھەرێما کوردستانێ دژیت و ھەرچەند بەشەک ژ ژیانا وی وەک رێڤەبەرەکێ پایەبلندێ پەکەکێ دەرباس بوویە ژی ، لێ پیشتی ھشیاربوونا وی سەربارەت رەوشا وێ حیزبێ، بوو یەک ژ رەخنەگرێن دیار یێن سیاسەتا پەکەکێ.
