په‌كه‌كه‌ دانپێدانێ دكه‌ت كو هێرشا پێشمه‌رگه‌هان كرییه‌

په‌كه‌كه‌ دانپێدانێ دكه‌ت كو هێرشا پێشمه‌رگه‌هان كرییه‌

رێخستنا په‌كه‌كێ دانپێدان كر كو چه‌كدارێن وێ ئه‌ڤرۆ ل چیایێ مه‌تینا هێرشا هێزێن پێشمه‌رگه‌هان كرییه‌ و دبێژیت: ئه‌و هێزا كو مه‌ هێرشا وان كرییه‌، گرێدایی په‌ده‌كێ بوو.

هه‌په‌گێ باسكێ له‌شكری یێ رێخستنا په‌كه‌كێ داخویانی ل ده‌ربارا هێرشا ئه‌ڤرۆ كو ل سه‌ر هێزا پێشمه‌رگه‌هان ل چیایێ مه‌تینا كرییه‌ دا و پڕ ب روو قایمی دبێژیت: لڤ و ته‌ڤگه‌را هێزێن په‌ده‌كێ ل چیایێ مه‌تینا هاتنه‌ دیتن، مه‌ هشیار دا و په‌ڤچوون چێبوو!.

هێزا پێشمه‌رگه‌هان كو ل گۆری ده‌ستووری و قانوونێن ئیراقا فه‌ده‌رال ب هێزا شه‌رعی یا پاراستنا باشوورێ كوردستانێ هاتییه‌ ناس كرن، لێ به‌لێ په‌كه‌كه‌ ڤێ شه‌رعییه‌تێ نابینیت و دبێژیت‌ ئه‌ڤ هێزا په‌ده‌كێ یه‌.

چه‌كدارێن په‌كه‌كێ ئیرۆ ل چیایێ مه‌تینا ل ناڤچەیا ئامێدیێ یا سەر ب دھۆکێ ڤە هێرشی ھێزه‌كا پێشمه‌رگه‌هێن كوردستانێ كر كو د ئه‌ركا خوه‌ دا بوون.

فەرماندارێ گشتی یێ پێشمەرگە فەریق جەمال ئێمینکی راگه‌هاند، ئەڤە جارا یەکەم نینە کو پەکەکە هێرشی پێشمەرگەی دکەت و بەرێ ژی ل ئامێدی، زاخۆ و چەند جھێن دی هێرشی پێشمەرگەی کرییە و پێشمەرگە شەھید کرینە.