7300 كچێن 10 سالی ژ پاییزا 2020 ب زۆری هاتنه‌ زه‌وجاندن

7300 كچێن 10 سالی ژ پاییزا 2020 ب زۆری هاتنه‌ زه‌وجاندن

ژ پاییزا سالا رابووری 2020ێ، پتری 7300 كچێن د نێڤبه‌را 10 تا 14 سالان دا‌، ب دارێ زۆرێ ل ئیرانێ هاتنه‌ زه‌وجاندن، 192 ژێ هاتنه‌ ته‌لاق دان.

ل گۆری ئامارێن زه‌واجێ، ل كۆمارا ئیسلامییا ئیرانێ، ب زۆر زه‌وجاندنا كچان د ژێر ته‌مه‌نا 14 سالیێ دا زێده‌بوویه‌، ب ئاوایه‌كی ژ پاییزا سالا رابووری 7317 كچێن كو ته‌مه‌نا وان د نێڤبه‌را 10 هه‌تا 14 سالیێ دا هاتنه‌ زه‌وجاندن.

هه‌روه‌ها هه‌ر ژ پاییزا سالا رابووری، 192 كچێن د هه‌مان ته‌مه‌نێ دا هاتنه‌ ته‌لاق دان.

ئامارێن زه‌واجا زارۆكان ل ئیرانێ خوه‌یا كرنه‌، ژ پاییزا سالا رابووری 36952 كچێن د نێڤبه‌را 15 هه‌تا 19 سال ژی هاتنه‌ زه‌وجاندن.

ل گۆری یاسایێن كۆمارا ئیسلامییا ئیرانێ كو بنگه‌ها خوه‌ ژ شه‌ریعه‌تا ئیسلامێ دگرن، رێ ل به‌ر ب زۆر زه‌وجاندنا كچان نایێ گرتن، زه‌وجاندنا ب زۆر یا كچێن ته‌مه‌ن 7 هه‌یا 18 سالی ژی، ده‌وام ل ڤێ ده‌وله‌تێ دهێت دیتن.