عۆسمان ملۆ: پەکەکە ل سەر داخوازا حەشدا شەعبی ئێریشی پێشمەرگە دکەت

عۆسمان ملۆ: پەکەکە ل سەر داخوازا حەشدا شەعبی ئێریشی پێشمەرگە دکەت

سەرکردەیێ رۆژئاڤایێ کوردستانێ و ئەندامێ سەرکردایەتیا پارتیا دەمۆکراتا کوردستانا سووریێ (پەدەکەسێ) عۆسمان ملۆ دبێژیت ئێریشێن پەکەکێ ئیستیقرارا ھەرێما کوردستانێ دکەنە ئارمانج  و پەکەکە ل سەر داخوازا داگیرکەرێن کوردستانێ و حەشدا شەعبی ئێریشی پێشمەرگە دکەت.

ئەندامێ سەرکدایەتیا پەدەکەسێ عۆسمان ملۆ ژ بۆ باس نیوسێ ئاخڤت و راگھاند، ئەو ئێریشێن پەکەکێ بۆ سەر پێشمەرگە ئیستیقرارا ھەرێما کوردستانێ دکەتە ئارمانج و پەکەکە ل ھەر جھێ کو لێ بیت ئەو ئەرکا پێ ھاتیە سپارتن جێبەجێ دکەت.

دوھی سەرفەرماندارێ پێشمەرگە جەمال ئێمینکی ئاشکەرا کربوو چەکدارێن پەکەکێ ل خەلیفان و بێخمێ ئێریشی خالا کۆنترۆلێ یا پێشمەرگە کریە.

دەربارێ ئێریشێن ھەری داوی یێن پەکەکێ ل سەر پێشمەرگەیان ژی عۆسمان ملۆ دبێژیت پەکەکە دخوازیت ئالۆزیان ساز بکەت و خەلکی بترسینیت و ھەر دەنگێ ئازاد ھەیی وی دەنگی ژناڤ ببەت.

ل سەر کوشتنا خەلکێ ل ژێر ئیشکەنجەیێن پەکەکێ ژی جەمال ئێمینکی دبێژیت کوشتنا خەلکی، دەستەسەرکرنا چالاکڤانێن مەدەنی و ئەندامێن حیزبان بێی ھیچ یاسایەک دەستنیشان دکەت کو ئەقلیەتەکا ڤێ حیزبێ نینە و ئارمانجا وێ تێکدانا ئارامیێ یە.

جھێ بەحسێ یە بەریا چەند رۆژان ھێزێن سەر ب پارتیا یەکیتیا دەمۆکراتیک (پەیەدێ) کو ھێزا سیاسی یا پەکەکێ یە ل رۆژئاڤایێ کوردستانێ 4 ئەندامێن پەدەکەسێ ل قامشلۆ دەستەسەرکربوون.

ھەروھا بەریا 2 ھەفتەیان ژی جوانەکێ ب ناڤێ ئەمین عیسا ل ژێر ئیشکەنجەیێ دا و د زندانێن پەیەدێ دا ھاتبوو کوشتن.