“پەیامنێرێن بێسینۆر” رەڤاندنا 3 رۆژنامەڤانان ژ لایێ پەیەدێ ڤە ب توندی شەرمەزار کر

"پەیامنێرێن بێسینۆر" رەڤاندنا 3 رۆژنامەڤانان ژ لایێ پەیەدێ ڤە ب توندی شەرمەزار کر

 رێخستنا پەیامنێرێن بێسینۆر دەربارێ رەڤاندنا 3 رۆژنامەڤانێن کورد ژ ئالیێ چەکدارێن پەیەدێ ل رۆژئاڤایێ کوردستانێ داخویانیەک بەلاڤ کر، تێ دا ب توندی گرتنا 3 رۆژنامەڤانێن کورد شەرمەزار کر.

رێخستنا پەیمانێرێن بێسینۆر د داخویانیا خوە دا وەھا دبێژیت: ل رێکەفتی 17ێ تیرمەھا 2021ێ، چەکدارێن پەیەدێ ل باژارێ قامشلۆ یێ رۆژئاڤایێ کوردستانێ، ھەر یەک ژ رۆژنامەڤان عەزەدین مەلا رێڤەبرێ رۆژنامەیا کوردستان، پەیامنێرێ کەنالێ ئارک بەرزان حسێن و محەمەد سالح پەیامنێرێ بەرێ یێ کەنالا کوردستان رەڤاندن، و ھەتا نھا چارەنڤیسا وان نە دیارە.

د ڤێ دەربارێ دا رێخستنا ناڤھاتی د داخویانیا خوە دا ب توندی ئەڤ کریارا کو دەرحەقێ 3 رۆژنامەڤانێن کورد ژ لایێ چەکدارێن پەیەدێ ڤە ھاتیە ئەنجامدان شەرمەزار کر و بانگا سەربەستبەردانا وان کر.

پوستێن ھەمان بەش