دوفاقی ل كویه، ل قه‌ندیلێ یان ل سه‌رێ ره‌ش؟!
كه‌سه‌ك هه‌یه ب ناڤێ ئه‌حمه‌د قه‌ره‌قووس ببوورن ئه‌حمه‌د قه‌ره‌مووس، یێ كو ژ هێلا رێخستنا په‌كه‌كێ ڤه ژ بۆی هه‌ڤسه‌رۆكتییا كۆنگره‌یا نه‌نه‌ته‌وی ئا كورد، جاردن ببوورن كۆنگره‌یا نه‌ته‌وی یا كوردان.
ل روژا 27/7/2021ان ڤی كه‌سی داخویانی دایه رۆژ نیۆزێ و كورتییا داخویانیێ ڤان خالا ل خوه دگره:
گه‌ر یێك گوللـه وه‌ره ئاڤێتن وێ شه‌رێ ناڤخوه ل په‌ی به.
په‌ده‌كه پۆله‌تیكایا دوفاقیێ ب كار تینه، ژ ئالییه‌ك دن دبێژه: شه‌رێ براكوژیێ حه‌رامه و جارنا دبێژه پێشمه‌رگه‌هان ژ بۆی هه‌رێمێ گه‌ریلایان د حه‌ره‌كینه.
ژ رێبه‌رێ ملله‌تێ كورد دخوازه كو ده‌ڤ ژ كه‌له‌ره‌قیێ به‌رده و به‌رێ خوه بده دیالۆگێ.
ئه‌مێ ب كورتاسی و ب كوردی ژ ته ره بێژن:
– ل كوردستانێ سازییه‌ك ب ناڤێ كۆنگره‌یا نه‌ته‌وی ئا كوردی تونه‌یه. به‌ره‌ڤاژی سازییه‌ك هه‌یه كو ژچه‌ند كادرۆیێن په‌كه‌كێ پێك تێ و وان ئه‌ڤ ناڤێ پیرۆز ل خوه كرنه.
– ت پارتییه‌كه سیاسى ئا كوردستانى ل هه‌ر چار په‌رچه‌یان دانپێدان ب هه‌وه نه‌كرییه، ژ به‌ر كو هوون نه‌سازییه‌ك بێئالی نه و 100% هوون گرێداى رێخستنا په‌كه‌كێ نه و هوون نه‌رێخستنه‌ك ده‌مۆكراتیكن، به‌لكو هوون باسكێ سیاسیى ئێ په‌كه‌كێ نه ل ئه‌ورۆپایێ.
– ژ رۆژا هوون هاتنه دامه‌زراندن هه‌یا رۆژا مه یا ئیرۆ، هوو ل گۆر بریار و ته‌علیماتێن په‌كه‌كه ته‌ڤ دگه‌رن، گه‌ر خوه‌نده‌ڤانێ برێز بخوازه راستییا هه‌وه فێم بكه رۆژا هوون هاتنه دامه‌زراندن و چا‌وانییا خه‌باتا هه‌وه بلا ب كه‌رم بكن و په‌رتووكا «ئایه‌تێن ئاپۆى» بخوینه، یاكو ژ هێلا «سه‌لیم چرۆككایا» ڤه هاتییه نڤیساندن كو ناڤبرى دانه‌ر و كادرۆیێ رێخستنێ بوو.
– تو نه هه‌ڤسه‌رۆكێ راسته‌قینه‌یى، لێ تو بریارێن قه‌ندیلێ ل ناڤا وێ رێخستنێ جی ب جی دكه‌ی.
– تو دبێژی پیشمه‌رگێ په‌ده‌كێ، جارێ ڤی ئیدیه‌مى ژ ناڤا خوه راكن، ئه‌ڤه ئیدیه‌مه ژ هێلا ده‌وله‌تێن داگیر كه‌ر ڤه تێ ب كار ئانین، ژ به‌ر كو هه‌یا رۆژا مه یا ئیرۆ ژی دانپێدانێ ب حكوومه‌تا باشوورێ كوردستانێ و وه‌زاره‌تا پێشمه‌رگه ناكن، هوون ژی ب هه‌مان مه‌ژیكی ل حكومه‌تا باشوور و پێشمه‌رگه‌هان د نه‌رن، ب كار ئانینا وێ ئیدیه‌مێ ژی به‌لگه‌یه ل سه‌ر ڤێ ئاخافتنا مه.
– پێشمه‌رگه‌هێ كوردستانێ له‌شكه‌ره‌كێ رێخستییه و ل گۆر دیسپلینین وه‌زاره‌تا پێشمه‌رگه ته‌ڤ دگه‌ره و حه‌ره‌كه‌تێ دكه، وه‌كه چاوا هوون ل گۆری بریارێن قه‌ندیلێ ته‌ڤ دگه‌رن.
– ل ده‌ربارا حه‌ره‌كه‌تا پێشمه‌رگه‌هان، گه‌لۆ هوون دزانن كو ئه‌ركا سه‌ره‌كه ئا پێشمه‌رگه‌هان پاراستنا خاكا باشوورێ كوردستانێ یه ژ هه‌ر ده‌ستدرێژییه‌كێ؟ پرس ل ڤر ئه‌ڤه، گه‌لۆ پێشمه‌رگه‌هان حه‌ره‌كه‌ت بۆ كیژان هه‌رێمان كرنه؟ گه‌لۆ پێشمه‌رگه‌هان به‌رێ خوه دانه چیایێن باكورێ كوردستانێ و به‌رپیێن گه‌ریلایان ته‌نگ كرنه؟ گه‌لۆ قه‌ی پێشمه‌رگه هاتییه هه‌رێمێن باكور و خه‌ته‌ری خستييه سه‌ر ژیانا هه‌مولاتیێن وێ په‌رچه‌یا ولات. پرسا ل ڤر ئه‌ڤه، گه‌لۆ گه‌ریلا ل مه‌تینى و گار‌ێ و ووووووو چ دكه؟ نزانم هوون دزانن كه‌له‌ره‌قى چییه؟ كه‌له‌ره‌قى ئه‌وه ده‌ما هه‌موو پارتیێن كوردستانا باشوور ژ پارتیێن ده‌ستهه‌لاتێ و یێن مخالف ل دژى هه‌بوونا گه‌ریلایان ل باشوور و قه‌ندیلا ته فكرا پیڤازه‌كێ ژى ژ بۆی وان پارتییان ناكه.
– كه‌له‌ره‌قى ئه‌وه ده‌ما پارلمه‌نتۆیه‌كا هلبژارتى و حكوومه‌ته‌ك هلبژارتی ل دژى هه‌بوونا گه‌ریلانه ل باشوور و قه‌ندیلا ته فكرا باجانسۆركه‌كێ ژى ژ بۆی وان ناكه.
– په‌ده‌كه دوفاقیێ ناكه، لێ ل گۆری نه‌رینا هه‌وه یا دوفاقیێ دكه، ژ به‌ر كو هه‌یا نها هوونێ مینا به‌به‌غائی د ئاخڤن و ژ واتایا ئیدیه‌مان فێم ناكن، ژ به‌ر كو دیاره قه‌ندیلێ گۆتییه ته بێژه دوفاقى هه‌ما ته ژی گۆت.
دوفاقى وه‌ك ئیدیه‌م ئه‌وه كو بسه‌رڤه تشته‌كێ بێژى و ژێر ب ژێر تشته‌ك دن، مینا سیاسه‌تا قه‌ندیلێ كو ب سه‌رڤه دبێژه ئه‌ز ژ بۆی ئازادبوونا كورد و كوردستانێ ته‌ڤ دگه‌رم و ژێر ب ژێر خه‌باتێ ژ بۆی جی ب جی كرنا میساقا مللی یا تركیێ دكه.
په‌ده‌كێ ئه‌شكه‌ره دبێژه ئه‌م ل دژى هه‌بوونا هێزا گه‌ریلاینه ل باشوورێ كوردستانێ، ئه‌ڤجا نزا دوفاقى ل كویه، ل قه‌ندیلێ یه یان ل سه‌رێ ره‌شه ؟؟؟؟
