ئەنجوومەنا خوەجھییا گرکێ لەکێ یا ئەنجوومەنا نیشتیمانی یا کوردی ل سووریێ، جڤینا خوەیا مەھانە ل دار خست ، تێ دا بانگا سەربەستبەردانا رەڤاندیێن کوردیێن د زیندانێن چەکدارێن پەیەدێ دا کر.
مالپەرا فەرمی یا ئەنەکەسێ دا زانین د دەستپێکا جڤینێ دا خولەکێ بێدەنگ ل سەر جانێ پاکرەوانێن کورد و کوردستانێ ھەروەھایێن کۆمکوژیا تەقینا قامشلۆ راوەستیان.
د جڤینێ دا بەشداربوویان بەحسا کریارێن چەکدارێن پەیەدێ د دەرحەقا ئەندام و ئالیگرێن ئەنەکەسێ دا کر، و چاوانیا رەڤاندنا وان ب شێوەیەکی دوور ژ پرەنسیپ، رەفتار و رەوشتی، نەخاسمە یێن د ڤێ دەما داویێ دا ھاتیە رەڤادن ھاتە کرن.
ئەنجوومەنا خوەجھی د جڤینا خوە دا بانگا سەربەستبەردانا سیاستمەدار، رۆژنامەڤان و ھەموو گرتیان کر ئەو ژی وەکو نیازەکا پاک ژ بۆ دەستپێکرن و بەردەوامکرنا دانووستانێن ئەنەکەسێ و پەیەنەکێ.
ل ئالیەکی دی ژ جڤینێ ھندەک مژارێن مرۆڤی، رەوشا خەلکێ، پرسگرێکا دەریێ سێمالکا، ھندەک بابەتێن رێخستنی و چاوانیا پێشخستنا وێ ل سەر ھاتە راوەستاندن و پشنیار ھاتن پێشکێشکرن.
