ئیرۆ دێ جەنازەیێن ئەندامێن مالباتا دەدەئۆگووڵاری هێن ڤەشارتن

ئیرۆ دێ جەنازەیێن ئەندامێن مالباتا دەدەئۆگووڵاری هێن ڤەشارتن

جەنازەیێن ئەندامێن مالباتا دەدەئۆگووڵاریا کو ل کۆنیایێ ژ لایێ نژادپەرەستێن ترک ڤە ھاتن کوشتن، پشتی نڤێژا مەعرەب ل گۆرستانا ساراچۆگلوو هێن ڤەشارتن.

ل تاخێ ھاسانکۆ یێ گرێدایی ناڤچەیا مەراما کۆنیایێ، دوهی ل دژی مالباتا کورد یا ژ قەرسێ دەدەئۆگووڵار ئێرشا نژادپەرەستی پێک ھاتبوو و 7 کەس ژ مالباتێ ھاتبوون کوشتن. جەنازەیێن یاشار، بارش، سەرپیل سەراپ ئیپەک، مەتین و سیبەل دەدەئۆگووڵار، دوهی ب شەڤ برن نەخوەشخانەیا باژارێ کۆنیایێ.

ل گۆر زانیاریان، ئیرۆ سپێدێ دەست ب شووشتنا جەنازەیان ھاتیە کرن. 7 جەنازەیێن مالباتا دەدەئۆگووڵار، دێ ئیرۆ پشتی نڤێژا مەغرەب ل گۆرستانا ساراچۆگلوویا ناڤچەیا کاراتایێ هێن ڤەشارتن.

ھەروەھا مالباتا دەدەئۆگووڵار ژ دوهی ب شەڤ ڤە ل بەر نەخوەشخانێ یە و ل بەندێ نە کو جەنازەیێ خوە وەربگرن.