فەرماندارێ گشتی یێ هه‌سه‌دێ کوشتنا مالباتا کورد یا ل كۆنیایێ شەرمەزار کر و بانگ ل جڤاکا ناڤدەولەتی کر کو ل دژی سیاسەتا نه‌ژادپەرەست یا ترکیێ دەنگێ خوە بلند بکه‌ن.
مه‌زلووم عه‌بدی ل سه‌ر حه‌سابا خوه یا تویته‌رێ ل دەربارێ قەتلکرنا مالباتا کورد یا ل کۆنیایێ ب زمانێ ترکی پەیامەک بەلاڤ کر.
مەزلووم ئاماژە ب وێ کر کو ئەو مالباتا کورد ژ ئەنجاما سیاسەتا دەولەتا ترکیێ کۆچبەری کۆنیایێ بوونه و گۆت، ئەو ژ بەر قەتلکرنا وان ژ هێلا نه‌ژادپەرەستێن ترک ڤە، د شینیێ دا نە.
فەرماندارێ هه‌سه‌دێ گۆت، «ئەز بکوژ و هاندەرێن وان له‌عنه‌ت دکه‌م» و بانگ ل جڤاکا ناڤدەولەتی کر کو ل دژی سیاسەتا نه‌ژادپەرەست یا ترکیێ دەنگێ خوە بلند بکه‌ن.
